THE GARDEN

L’amour de moi sy est enclose Dedans un joly jardinet Où croist la rose et le muguet Et aussi fait la passerose.

Ce jardin est bel et plaisant ;

Il est garny de toutes flours;

On y prend son esbatement Autant la nuit comme le jour.

Helas ! il n’est si douce chose Que de ce doulx roussignollet Qui chante au soir, au matinet:

Quant il est las il se repose.

Je la vy l’autre jour cueillir La violette en ung vert pré,

La plus belle qu’oncques je veis Et la plus plaisante à mon gré.

Je la regarde une pose :

Elle estoit blanche comme let,

Et douce comme un aignelet, Vermeilette comme une rose.