DEDANS PARIS

Dedans Paris, ville jolie,

Un jour, passant mélancolie,

Je prins alliance nouvelle A la plus gaye damoyselle Qui soit d’icy en Italie.

D’honnesteté elle est saisie,

Et croy — selon ma fantasie — - Qu’il n’en est guères de plus belle

Dedans Paris.

je ne la vous nommeray mye,

Si non que c’est ma grand’amye ;

Car l’alliance se feit telle

Par un doulx baiser que j’eus d’elle,

Sans penser aucune infamie,

Dedans Paris.