DEFENSE ET ILLUSTRATION DE LA LANGUE FRANÇAISE

Mais pour ce qu’en toutes langues y en a de bons et de mauvais, je ne veux pas (lecteur), que sans élection et jugement, tu te prennes au premier venu. Il vaudroit beaucoup mieux escrire sans imitation, que ressembler un mauvais auteur: veu 10 mesmes que c’est chose accordée entre les plus sçavans, le naturel faire plus sans la doctrine, que la doctrine sans le naturel. Toutefois d’autant que l’amplification de nostre langue (qui est ce que je traitte) ne se peult faire sans doctrine et sans érudition, je veux bien advertir ceux qui aspirent à ceste gloire, d’imiter les bons auteurs Grecs et Romains, voire bien Italiens, Espagnols et autres: ou du tout n’escrire point, sinon à soy (comme on dit) et à ses Muses. Qu’on ne m’allègue point icy quelques uns des nostres, qui sans doctrine, à tout le moins non autre que médiocre, ont acquis grand bruyt en nostre vulgaire. 20 Ceux qui admirent volontiers les petites choses, et desprisent ce qui excède leur jugement en feront tel cas qu’ilz voudront: mais je sçay bien que les sçavans ne les mettront en autre ranc, que de ceux qui parlent bien François, et qui ont (comme disoit Cicéron des anciens auteurs Romains) bon esprit, mais bien peu d’artifice. Qu’on ne m’allègue point aussi que les Poètes naissent : car cela s’entend de ceste ardeur et allégresse d’esprit, qui naturellement excite les Poètes, et sans laquelle toute doctrine leur seroit manque et inutile. Certainement ce seroit chose trop facile, et pourtant contemptible, se faire éternel par 30 renommée, si la félicité de nature donnée mesmes aux plus indoctes étoit suffisante pour faire chose digne de l’immortalité.

Specimens of French Liter ature.

Qui veult voler par les mains et bouches des hommes doit longuement demourer en sa chambre: et qui désire vivre en la mémoire de la postérité, doit, comme mort en soy-mesme, suer et trembler maintefois: et autant que noz poëtes courtizans boivent, mangent, et dorment à leur aise, endurer de faim, de soif et de longues vigiles. Ce sont les ailes dont les escripts des hommes volent au ciel.

Ly donques, et rely premièrement (ô Poète futur), fueillete de main nocturne et journelle, les exemplaires Gréez et Latins, puis me laisse toutes ces vieilles poésies françoises aux Jeux Floraux io de Toulouze, et au Puy de Rouan: comme Rondeaux, Ballades, Virelaiz, Chantz Royaulx, Chansons et autres telles épiceries, qui corrompent le goust de nostre Langue et ne servent sinon à porter tesmoignage de nostre ignorance. Jette toy à ces plaisans Epigrammes, non point comme font aujourd’huy un tas de faiseurs de comptes nouveaux qui en un dixain sont contens n’avoir rien dict qui vaille aux neuf premiers vers pourveu qu’au dixiesme il y ait le petit mot pour rire: mais à l’imitation d’un Martial, ou de quelque autre bien approuvé, si la lasciveté ne te plaist, mesle le proufitable avec le doux. Distile avecques un 20 stile coulant et non scabreux, ces pitoyables élégies, à l’exemple d’un Ovide, d’un Tibule, et d’un Properce, y entremeslant quelquefois de ces fables anciennes, non petit ornement de poésie. Chante moy ces Odes, incogneuës encor’ de la Muse Françoise d’un Luc bien accordé au son de la Lyre Grecque et Romaine, et qu’il n’y ait vers où n’aparoisse quelque vestige de rare et antique érudition. Et, quant à ce, te fourniront de matière les louanges des Dieux et des hommes vertueux, le discours fatal des choses mondaines, la solicitude des jeunes hommes, comme l’amour, les vins libres et toute bonne chère. Sur toutes choses, 30 prens garde que ce genre de poème soit éloingné du vulgaire, enrichy et illustré de mots propres et épithètes non oysifs, orné de graves sentences et varié de toutes manières de couleurs et ornementz poétiques ; non comme un, Laissez la <verde couleur , Amor a'vecq’ Psychés , O combien est heureuse ; et autres telz ouvrages, mieux dignes d’estres nommez Chansons vulgaires

Antoine de Baif

qu’Odes, ou vers lyriques. Quant aux Epistres, ce n’est un poëme qui puisse grandement enrichir nostre vulgaire, pource qu’elles sont volontiers de choses familières et domestiques, si tu ne les voulois taire a l’imitation d’Elegies, comme Ovide : ou sententieuses et graves comme Horace. Autant te dy-je des Satyres, que les François, je ne sçay comment, ont appelées Cocs a 1 Asne, ès quelz je te conseille aussi peu t’exercer comme je te veux estre aliéné de mal dire : si tu ne voulois, à l’exemple des anciens, en vers Héroïques (c’est à dire x à xj et non seulement de viij a ix) soubs le nom de Satyre, et non de ceste inepte appellation de Coc à l’asne, taxer modestement les vices de ton temps et pardonner aux noms des personnes vicieuses. Tu as pour cecy Horace, qui selon Quintilian, tient le premier lieu entre les Satyriques. Sonne moy ces beaux Sonnetz, non moins docte que plaisante invention Italienne, conforme de nom à l’Ode, et différente d’elle seulement, pource que le Sonnet a certains vers reiglez et limitez : et l’Ode peut courir par toutes manières de vers librement, voire en inventer à plaisir, à l’exemple d’Horace, qui a chanté en dix-neuf sortes de vers, comme disent les Grammairiens.