AMADIS JAMIÜST

S ONG

Estant couché près les ruchettes Où faisoient du miel les avettes,

En ces mots je vins à parler:

Mouches, vous volez à vostre aise,

Et ma maistresse est si mauvaise, Qu’elle m’empesche de voler.

Vous volez sur les fleurs escloses,

Et moissonnez les douces choses Du thym, du safran rougissant,

Et du saule à la feuille molle;

Mais sur les moissons je ne vole,

Dont j’aime à estre jouissant.

Mouches, de Jupiter nourrices,

Des odeurs qui vous sont propices, Vous faites la cire et le miel;

Et moy, des beautez de ma dame,

Je ne produis rien en mon ame,

Que plaintes, que dueil et que fiel.

On dit, ô colères abeilles,

Qu’en vos pointures nompareilles Vostre destin se voit borné;

Mais celle dont les traits je porte,

Las! en me blessant n’est point morte De la mort qu’elle m’a donné.

Ha ! je voudrais estre une mouche, Pour voleter dessus la bouche,

Sur les cheveux et sur le sein De ma dame belle et rebelle;

Je picquerois ceste cruelle A peine d’y mourir soudain.