DU POEME INTITULÉ : LES VIGILLES DE CHARLES VII

En lieu de moustier, Pour nous festoier,

Avions beau sentier Tout couvert de feuilles, Sentant l’esglentier,

Le jambon entier,

La trippe et saultier,

Au verjus d’ozeille.

Le pain soubz l’esselle, La belle bouteille, Fourmaige en foisselle, Vie du franc Gontier, Point n’en est d’itelle, Avec la sequelle,

Puis faisions la vielle, Quant estoit mestier.

Martial d' Auvergne.

Mieulx vault la liesse,

L’accueil et adresse,

L’amour et simplesse De bergiers pasteurs,

Qu’avoir à largesse Or, argent, richesse,

Ne la gentillesse De ces grans seigneurs;

Car ilz ont douleurs,

Et des maulx greigneurs ; 10

Mais pour noz labeurs Nous avons sans cesse Les beaulx prez et fleurs,

Fruitaiges, odeurs,

Et joye à nos cueurs,

Sans mal qui nous blesse.

Vivent pastoureaulx,

Brebiz et aigneaulx,

Moutons à troppeaux,

Bergiers pastourelles, 20

A tout leurs gasteaulx,

Farciz de beaulx aulx,

Pastez de naveaulx,

Au lart et groiselles;

Cornez, challumelles,

Dansez, sauterelles,

Filles et pucelles,

Prenez vos chappeaulx De roses vermeilles,

Et les beaulx rainceaulx, 30

Tous plains de prunelles.

Faictes tourner bouëlles Sur prez et sur treilles,

Au chant des oyseaulx.

Speciniens of French Liter ature.