GRAND TESTAMENT XXVI
H6 Dieu! se j’eusse estudié,
Au temps de ma jeunesse folle, Et à bonnes meurs dedié, J'eusse maison, et couche molle, Mais quoy! je fuyoye l’escole, Comme faict le mauvays enfant.
En escrivant cette parolle,
A peu que le cueur ne me fend.
Le dictz du Saige trop le feiz Favorable, et bien n’en puis mais, Qui dit, ‘ Esjouys toy, mon filz, A ton adolescence, mais Ailleurs sers bien d’ung autre metcz; Car jeunesse et adolescence (C’est son parler, ne moins ne mais), ‘Ne sont qu’abbus et ignorance.’
Mes jours s’en sont allez errant Comme dit Job, d’une touaille Et des filetz, quant tisserant Tient en son poing ardente paille; Car s’il y a un bout qui saille, Soudainement il le ravist.
Si ne crains plus que rien m’assaille, Car à la mort tout s’assouvist.
Specimens of French Liferature.
Où sont les gracieux gallans Que je suyvoye au temps jadis, Si bien chantans, si bien parlans, Si plaisans en faictz et en dictz?
Les aucuns sont mortz ct roydiz, D’eulx n’est il plus rien maintenant.
Repos ayent en paradis, Et Dieu saulve le remenant.
Et les aucuns sont devenuz, Dieu mercy, grans Seigneurs et Maistres : 10 Les autres mendient tous nudz, Et pain ne voyent qu’aux fenestres.
Les autres sont entrez en cloistres De Celestins, et de Chartreux, Bottez, housez, com pescheurs d’oystres, Voyla l’estat divers d’entre eulx.
Aux grans maistres Dieu doint bien faire, Vivans en paix, et à recoy.
En eulx il n’y a que refaire:
Si s’en fait bon taire tout coy. 20 Mais aux pauvres, qui n'ont de quoy, (Comme moy) Dieu doint patience.
Aux autres ne fault qui ne quoy, Car assez ont pain et pitance.
Bons vins ont souvent embrochez, Saulces, brouëtz et gras poissons:
Tartres, flans, œufz fritz et pochez, Perduz, et en toutes façons.
Pas ne ressemblent les maçons Que servir fault à si grand’peine; Ilz ne veulent nulz eschancons, Car de verser chacun se peine,
Et par espécial les princes qui sont orgueilleux: car en ce cas et en semblables, le premier refuge est retourner à Dieu, et penser si en rien on l’a offensé, et s’humilier devant luy, et connoistre ses mesfaits: car c'est luy qui détermine de tels procès, sans ce qu’on luy puisse proposer nulle erreur. Après cela, fait grand bien de parler à quelque amy de ses privez, et hardiment devant luy plaindre ses douleurs, et n’avoir point de honte de monstrer sa douleur devant l’espécial amy, car cela allége le cœur, et le reconforte, et les esprits reviennent en leur vertu, parlant ainsi à quelqu'un en conseil, ou bien faut prendre autre remède, par quelque exercise et labeur (car il est force, puisque nous sommes hommes, que telles douleurs passent avec passion grande, ou en public ou en particulier), et non point prendre le chemin que prit le duc de se cacher, ou se tenir solitaire; mais faire le contraire, et chasser toute austérité. Car pour ce qu’il estoit terrible à ses gens, nul ne s’osoit avancer de lui donner nul confort ou conseil, mais le laissoit faire à son plaisir, craignans que si aucune chose luy eussent remonstré, qu’il ne leur en fut mal prise.
