LOUIS XI IN JEOPARDY AT PERONNE

Or vous avez ouy de l’arrivée de cette armée de Bourgogne; laquelle fut 4 Péronne presque aussi tost que le Roy (car ledit duc ne les eut sccu contraindre ny contremander à temps); car ja bien avant estoient en compagne, quand la venué du Roy se traitoit, et troublérent assez la feste par les suspicions qui advinrent après. Toutesfois ces deux princes commirent de leurs gens à estre ensemble, et traiter des leurs affaires le plus aimablement que faire se pourroit, et comme ils estoient bien avant en besogne, et ja y avoient esté par trois ou quatre jours, survinrent de trés-grandes nouvelles et affaires de Liége que je vous diray.

Le Roy, en venant 4 Péronne, ne s’estoit point advisé qu’il avoit envoyé deux ambassadeurs à Liége, pour les solliciter

ledit seigneur d’Hymbercourt, ce que tout le demeurant fut mort; et certifioient avoir veu les ambassadeurs du roy en cette compagnie, et les nommoient. Et fut conté tout cecy au dit duc, qui soudainement y ajousta foy, et entra en une grande colère, disant que le Roy estoit venu là pour le tromper; et soudainement envoya fermer les portes de la ville et du chasteau, et fit semer une assez mauvaise raison, c’estoit qu’on le faisoit pour une boëte qui estoit perduë, où il y avoit de bonnes bagues et de l'argent. Le Roy, qui se vit enfermé en ce chateau (qui est petit) et force archers à la porte, n’estoit point sans doute: et se voyoit logé rasibus d’une grosse tour, où un comte de Vermandois fit mourir un sien prédécesseur roy de France. Pour lors estoye encore avec ledit duc, et le servoye de chambellan, et couchoye en sa chambre quand je vouloys: car telle estoit l’usance de cette maison. Ledit duc quand il vit les portes fermées, fit saillir les gens de sa chambre, et dit à aucuns que nous estions, que le Roy estoit venu là pour le trahir, et qu'il avoit dissimulé ladite venué de toute sa puissance, et qu’elle s’estoit faite contre son vouloir ; et va conter ses nouvelles de Liége, et comme le Roy Ilavoit fait conduire par ses ambassadeurs ; et comme tous ses gens avoient esté tuez, et estoit terriblement esmeu contre le Roy et le menaçoit fort; et croy véritablement que, si à cette heure là il eut trouvé ceux à qui il s’'addressoit, prests à le conforter ou conseiller de faire au Roy une mauvaise compagnie, il eut esté ainsi fait : et pour le moins eut esté mis en cette grosse tour, Avec moy n’y avoit à ces paroles que deux ‘valets-de-chambre, l’un appellé Charles de Visen, natif de Dijon, homme honneste, et qui avoit grand crédit avec son maistre. Nous n’aigrismes rien, nous adoucismes à notre pouvoir. Tost après tint aucunes de ces paroles à plusieurs, et coururent par toute la ville jusques en la chambre où estoit le Roy, lequel fut fort effrayé; et si estoit généralement chacun, voyant grande apparence de mal, et regardant quantes choses y a a considérer, pour pacifier un différend, quand il est commencé entre si grandes princes, et les erreurs qu'ils firent tous deux de n’advertir leurs serviteurs, qui estoient loin d’eux, empeschez pour leurs affaires, et ce qui soudainement en cuida advenir.

Guillaume Coquillart.