PASTOURELLE

Puisque Robin j’ay à non, J'aymeray bien Marion.

Elle est gente et godinette, Marionette, Plus que n’est femme pour vray, Hauvay! Plus que n’est femme pour vray.

D’or en avant je vueil estre Plus grant maistre:

Pastoureau je deviendray, 10 Hauvay!

Pastoureau je deviendray.

Et merray mes brebis pestre Sur l’erbette ;

Ma pannetiére saindray, Hauvay!

Ma pannetiére saindray.

Et sçay bien qu’il m’y fault mectre Pour repaistre :

Croyez que point n’y faudray, 20 Hauvay !

Croyez que point n’y faudray.

Je suis seur qu’y fairons feste.

Marionette Le m'a dit et je le croy, Hauvay !

Le m'a dit et je le croy.