DEDANS PARIS

Dedans Paris, ville jolie, Un jour, passant melancolie, Je prins alliance nouvelle A la plus gaye damoyselle Qui soit d’icy en Italie.

D’honnesteté elle est saisie, Et croy—selon ma fantasie— Qu'il n’en est guéres de plus belle Dedans Paris,

Je ne la vous nommeray mye, 10 Si non que c’est ma grand’amye; Car l'alliance se feit telle Par un doulx baiser que j’eus d'elle, Sans penser aucune infamie, Dedans Paris.