BLAISE DE MONTLUC

MONTLUCS SPEECH TO THE SIENNESE.

‘ Messieurs, je vous ay prié de vous assembler, pour vous remonstrer quatre choses qui sont de grande importance, et ce, à cause que monsieur de Strossi m’a mandé ceste nuict, par le seigneur de Lescussan, la résolution qu’il avoit prinse de se retirer à ce matin de plein jour, à la veiie de son ennemy, jusques à Lusignan. Vous sçavez les prières que nous luy avons faictes, de vouloir prendre garde à ceste retraicte, et mesmement ce que je 30 luy envoyay dire par le sergent de Lescussan ; ce qu’il a bien

Blaise de Montlue. 113

gousté au commencement, ayant une fois résolu de faire comme le roy François fit devant Landrecy ; toutes fois, par je ne sçay quel malheur, il se laisse gouverner par un homme qu'il a près de luy, nommé Thomas d'Albene, lequel luy fait à croire que ceste retraite de nuict luy sera honteuse : Dieu vueille que le mauvais conseil de ce Thomas ne luy soit honteux et dommageable, et à vous aussi. Or attendans, messieurs, quel succez aura ce combat, Jay à vous remonstrer quatre choses: la première, et qui plus ‘vous touche, c'est qu’il vous souvienne que vous estes souverains en vostre république ; que vos prédécesseurs vous ont laissé cest honorable tiltre de père en fils ; que ceste guerre ne vous amène autre chose que la perte de vostre souveraineté, car si les ennemis demeurent victorieux, il ne vous faut espérer rien plus, sinonque, commevous estes souverains, vous demeurerez esclaves et subjects ; qu'il vous vaut beaucoup mieux mourir les armes en la main, pour soustenir cest honnorable tiltre, que vivre et le perdre ignominieusement. La seconde, c'est que vous considériez l'amitié. que le Roy mon prince vous porte, lequel ne prétend autre bien de vous, sinon que vostre amitié soit réciproque à la sienne; et que, comme libéralement il vous a pris en sa protection, 20 que vous ayez ceste ferme fiance en luy qu'il ne vous abandonnera pas: car, si pour un petit coup de fortune vous vouliez changer d'opinion, regardez au peu d’estime que l'on auroit de vous autres; il n'y auroit prince sur la terre qui vous voulust ayder my secourir, si vous vous monstriez légers et muables. Et, pour toutes ces considérations, je vous prie vouloir estre constans, et vous monstrer magnanimes et vertueux en l'adversité, lors que les nouvelles vous viendront de la perte de la bataille, laquelle je crains beaucoup, veu l'advis que monsieur de Strossi a prins: toutesfois, Dieu vueille destourner tout mal’heur. La tierce est, que vous considériez l'estimation en laquelle vos prédécesseurs sont morts, et laquelle ils vous ont laissé pour héritage, pour westre dicts tout à jamais les plus vaillans et belliqueux de toute Vitalie, laissans honorable mémoire des batailles qu'ils ont gaignées nation contre nation. Vous vous dictes aussi estre sortis des anciens belliqueux Romains, et vous dictes leurs vrays enfans légitimes, portans leurs armes anciennes, qui est la louve

avec Remus et Romulus, fondateurs de leur superbe cité, la capitale du monde; doncques, messieurs, je vous prie vous vouloir souvenir que vous estes et qu’ont esté les vostres, et, si vous perdez ce beau tiltre, quelle honte et infamie ferez vous à vos péres, et quel argument donnerez vous à vos enfans, de maudire l'heure qu’ils seront sortis de tels pères, qui de liberté les auront mis en servitude? La quarte sera pour vous remonstrer que, comme j’ay parfaicte fiance que vous vous monstrerez vertueux et magnanimes, et que vous prendrez en bonne part toutes les remonstrances que je vous ay faites, qu’aussi vous vous résoudrez promptement a donner ordre 4 tout ce qui sera nécessaire pour la conservation de vostre ville : car, de la bataille, je la vous baille pour perdué, non qu’il vienne de la faute de monsieur de Strossi, mais pour la perte que nous avons desjà faicte aux escarmouches; car il est impossible que nostre camp ne soit demeuré en crainte, et celuy de l’ennemy encouragé: c’est l’ordinaire à celuy qui est victorieux d’avoir le cœur enfié, et au battu de trembler de peur. Les petites pertes aux escarmouches, qui sont avant-courriers de la bataille, ne présagent jamais que perte et dommage : et d’autre part il faut que ceux qui se retirent monstrent le dos à l"ennemy; et, encore que l’on tourne quelquefois visage, tousjours faut il s’acheminer: il n’est impossible que l’on ne rencontre quelque haye ou fossé, 1a où il faut que l’on passe souvent en désordre. Car, en matière de retraicte, on veut estre des premiers, par ce qu’ordinairement la peur et la crainte sont aux deux costez, qui accompagnent ceux qui se veulent retirer ; et, pour peu que l’on soit hasté, tout est perdu, si l’ennemy a seulement la moitié du courage que doivent avoir les hommes. Souvenez vous, messieurs, de la bataille qu'Annibal gaigna contre les Romains à Cannes, près de Rome : les Romains qui estoient dans la ville ne pensèrent jamais qu'il fust possible que les leurs feussent vaincus, et ne pourveurent ny donnèrent aucun ordre à leurs affaires: tellement que, quand les nouvelles leur vindrent de la perte, ils entrèrent en une si grande peur, que les portes de Rome demeurèrent trois jours et trois nuicts ouvertes, sans qu’homme osast aller les fermer; et, si Annibal eust suivy sa victoire, sans aucune difficulté il estoit entré

François de la Noue. 115

dedans,—Tite-Live a descrit ceste histoire. Or doncques, messieurs, donnez ordre tout à ceste heure à vos portes, et eslisez des hommes pour en prendre le charge ; et faictes que l'eslection soit des plus gens de bien et des plus fidelles qui sont parmy vous. Faictes crier par la ville dès à ceste heure que tous ceux qui ont bleds ét farines aux moulins se hastent de les faire moudre, et d'apporter tout dans la ville, Faictes que tous ceux qui ont grains ou autres vivres dans les villages les retirent incontinent dans la ville, à peine qu'on les bruslera, ou qu'on les donnera au sac, si dans demain, à l'entrée de la nuit, tout n'est retiré; et ce, afin que nous puissions avoir vivres pour attendre lé secours que le Roy vous envoyera: car il n'est pas si petit prince, que, comme il a eu le puissance de vous envoyer secours, qu'il n'en aye encores pour vous en envoyer d'avantage. Faictes commandement à vos trois gonfalonniers de tenir toutes leurs compagnies prestes à l'heure qu’ils seront mandez. Et, pourceque ma fièvre me travaille, je suis contrainct me retirer au logis, attendant les nouvelles de ce que Dieu nous donnera; et yous prie, pourvoyez tout incontinent à ce que je vous ay remonstré, vous offrant, pour le service du Roy vostre maistre, 20 et le vostre particulier, non seulement ce peu d'expérience que Dieu a mis en moy, mais ma propre vie.’