MARGUERITE ON ST. BARTHOLOMEW'S DAY

Pour moy, l'on ne me disoit rien de tout cecy. Je voyois tout le monde en action; les huguenots désespérez de cette blessure Messieurs de Guise craignans qu'on n'en voulust faire justice se chuchetans tous à l'oreille. Les huguenots me tenoient suspecte parceque j'estois catholique, et les catholiques parceque j'avois épousé le roy de Navarre qui estoit buguenot. De sorte que personne ne m'en disoit rien, jusques au soir qu'estant au coucher de la Reyne ma mère, assise sur Mn coffre auprès de ma sœur de Lorraine que je voyois fort triste, la Reyne ma mère parlant à quelques-uns m'apperceust, ét me dit que je m'en allasse coucher : comme je faisois la révérence, ma sœur me prend par le bras et m'arreste, et se prenant fort à pleurer, me dit ; ‘Mon Dieu, ma sœur, n'y allez 30 pas’ ce qui m'effraya extrèmement, La Reyne ma mère

s'en apperceut, et appellant ma sœur se courrouga fort à elle, et luy deffendit de me rien dire. Ma sœur luy dit qu'il n’y avoit point d’apparence de m’envoyer sacrifier comme cela, et que sans doute, s’ils découvroient quelque chose, ils se vengeroient de moy. La Reyne mère répond que, s’il plaisoit à Dieu, je n’aurois point de mal; mais quoy que ce fut, il falloit que j'allasse, de peur de leur faire soupçonner quelquechose . . . . Je voyois bien qu'ils se contestoient, et n’entendois pas leurs paroles. Elle me commanda encore rudement que je m'en allasse coucher. Ma sœur fondant en larmes me dit bon soir, sans m’oser dire autrechose, et moy je m'en allay toute transie et éperduë, sans me pouvoir imaginer ce que j’avois à craindre, Soudain que je fus en mon cabinet, je me mis à prier Dieu qu'il luy plust me prendre en sa protection, et qu’il me gardast, sans sçavoir de quoy ny de qui. Sur cela le Roy mon mary, qui s’estoit mis au lit, me manda que je m'en allasse coucher. Ce que je fis, et trouvay son lit entouré de trente ou quarante huguenots que je ne connoissois point encore; car il y avoit fort peu de temps que j’estois mariée, Toute la nuict ils ne firent que parler de l'accident qui estoit advenu à M. Admiral, se résolvants dés qu’il seroit jour de demander justice au Roy de M, de Guise, et que si on ne la leur faisoit, ils se la feroient eux mesmes. Moy j’avois tousjours dans le cœur les larmes de ma sceur,et ne pouvois dormir pour l’appréhension en laquelle elle m’avoit mise, sans sçavoir de quoy. La nuict se passa de cette façon sans fermer I’ceil. Au point du jour le Roy mon mary dit qu’il vouloit aller joüer à la paume attendant que le roy Charles fust éveillé, se résolvant soudain de luy demander justice. Il sort de ma chambre, et tous ses gentilshommes aussi. Moy voyant qu’il estoit jour, estimant que le danger que ma sœur m’avoit dit fust passé, vaincué du sommeil, je dis a ma nourrice qu’elle fermast la porte pour pouvoir dormir à mon aise. Une heure après, comme j'estois le plus endormie, voicy un homme frappant des pieds et des mains à la porte, et criant ‘Navarre, Navarre!’ Ma nourrice, pensant que ce fust le Roy mon mary, court vistement à la porte. Ce fust un gentilhomme nommé M. de Téjan, qui avoit un coup

Maximilien de Béthune. 119

d'épée dans le coude, et un coup de hallebarde dans le bras, et estoit encores poursuivy de quatre archers qui entrèrent tous aprés luy en ma chambre. Luy se voulant garantir se jetta dessus mon lit. Moy sentant ces hommes qui me tenaient, je me jette à la ruelle, et luy après moy, me tenant tousjours à travers du corps. Je ne connoissois point cet homme, et ne sçavois s'il venoit 1a pour m'offenser, ou si les archers en vou- Joient à luy ou à moy. Nous crions tous deux, et estions aussi effrayés l'un que l'autre. Enfin Dieu voulut que M. de Nancay, capitaine des gardes, y vinst, qui me trouvant en cet estat là, encors qu'il y eust de la compassion ne se put tenir de rire, et se courrouga fort aux archers de cette indiscrétion, les fit sortir ét me donna la vie de ce pauvre homme qui me tenoit, lequel je fis coucher et penser dans mon cabinet jusques à temps qu'il fust de tout guéry. Et changeant de chemise, parce qu'il m’ayoit toute couverte de sang, M. de Nangay me conta ce qui se passoit, et m'asseura que le Roy mon mary estoit dans la chambre du Roy, et qu'il n’auroit nul mal, Et me faisant jetter un manteau de nuict sur moy, il m'emmena dans Ja chambre de ma sœur Madame de Lorraine, où j'arrivay plus 20 morte que vive, et entrant dans l'antichambre, de laquelle les portes estoient toutes ouvertes, un gentilhomme nommé Bourse, se sauvant des archers qui le poursuivoient, fust percé d'un coup de hallebarde à trois pas de moy. Je tombay de l'autre eosté presqué évanouië entre les bras de M. de Nangay, et pensois que ce coup nous eust percez tous deux. Et estanc quelque peu remise, j’entray en la petite chambre où couchoit ma sour,