GÉRARD

Je ne puis tesmoigner de cecy, si je ne voy autre cbose.

RUFFIN

J'ay pœur que cestuy soit devenu loi.

SÉVERIN

0 effronté, tu me disois à ceste heure que lu avois trouvé les deux mille escus que tu sçais que j'ay perdus, puis tu dis que tu les as baillez à Urbain afin de ne me les rendre; mais il n'en ira pas ainsi. Urbain est émancippé, je n'ay que faire avecques luy.

RUFFIN

Seigneur Séverin, je vous enten, nous sommes en équivoque ; car, quant aux deux mille escus que dictes avoir perdus, je n'en avoy encore oy parler jusques icy, et ne dis que je les ay trouvez, mais bien que j'ay trouvé le père de Feliciane, qui est cest homme de bien que voicy.