SCÈNE I. — LOYS, RICHARD
Et bien Richard, quelle nouvelle Apportes-tu de ma Cruelle?
Veult-elle doncque estre tousjours Ainsi paoureuse en ses amours?
Richard Monsieur, je croy que la pauvrette Sans aucun repos vous souhaitte Entre ses bras; voulez vous mieux?
LOYS
Je pense, moy, que tous les Dieux Prennent plaisir en mon martire :
Incessamment mon mal empire, Sans toutesfois avoir cest heur D'appaiser mon amour vainqueur.
Richard Non non, monsieur, j'ay espérance Que vous en aurez jouissance En peu de temps. Laissez moy faire, C'est mon office, dont j'espère En faire si bien mon devoir.
LoYS Ouy, mais tousjours le vain espoir Trompe ma trop grande constance Au milieu de mon impuissance.
Richard Vrayment une telle beauté A bien un amant mérité :
55 I^A TRÉSORIÈKE
Et d'autant qu'estes languissant, D'autant quand serez jouissant Le plaisir sera désirable.
Mais tousjours pauvre misérable Le jour je me mourray cent fois Pour son amour, et toutesfois Desjà je prévoy que l'yssue Sera de quelque maigre veue.
Cela ne vient point que ma race Ne fust digne d'avoir la grâce D'une dame de plus hault lieu :
C'est, c'est bien plustost quelque dieu Qui me cachoit dedans son sein L'impuissance de mon dessein.
Richard
Monsieur, je me tiendrois heureux De mourir estant amoureux D'une si parfaite beauté.
LOYS
Richard, Richard, la cruauté De cest Archerot qui me domte Selon son fier désir, surmonte L'extrême douleur de la mort.
Richard
Nous sommes en cela d'accord :
Mais à ceste longue espérance Opposez vostre jouissance.
LOYS
Encore, Richard, je t'asseure Que tout le malheur que j'endure
JACQUES CRÉVIN 56
N'est rien, si tu peux faire tant Qu'en la xmrfm je sois content.
Ce n'est pas moy qu'il fault prier :
Il ne tient qu'à ce Trésorier.
LOYS
Le mari est-il adverti?
Richard
Non, non, mais il n'est pas parti Ainsi qu'elle pensoit.
LOYS
Comment?
Richard
Pour s'en aller faire un payment En Languedoc. Lui deslogé, Vostre malheur sera changé En un perdurable plaisir :
Car alors vous aurez loisir De recouvrer le temps perdu.
Si avez longtemps attendu.
Reprenez hardiment courage.
LOYS
Ha, Richard, pourquoy d'avantage As-tu celé mon doux repos?
Richard
Il ne venoist pas à propos :
Encore vostre joie augmente De plus en plus par ceste attente.
Et si je m'en rapporte à vous.
Si vous ne trouvez pas plus doux
57 LA TRÉSORl£;i^E
Le plaisir, par le tardement, Que n'eussiez au commencement.
Vrayment, Richard, pour ton devoir
Tu mérites de recevoir
D'un plus grand seigneur le loyer.
Richard
Monsieur, il ne fault qu'employer Richard, quand il est question De conduire une faction; Ainsi le serviteur doit faire.
Pour à son bon maistre complaire, Le devoir, comme il appartient, Jusques à la mort, s'il convient L'endurer pour l'amour de luy.
LOYS
Mais dy, Richard, est-ce aujourdhuy Que nostre Trésorier se part?
Richard
Penseriez-vous bien que Richard Vous le dist s'il n'estoit ainsi?
Vie, mettez-moy tout souci Sous le pied.
LoYS
Mais ce Trésorier Me doit encore mon quartier :
Il fault que tu sois diligent De recouvrer tout cest argent Avant qu'il parte : et qui plus est, Je lui payray son interest.
S'il veult faire du rigoureux :
Car à ces braves glorieux
JACQUES GRÉVJN 58
Il fault quitter une moitié Pour avoir l'autre
Richard
L'amitié Vault bien cela, c'est pour l'usage De son ennuyeux coquage.
LOYS
Va-t'en vers luy, voylà quittance :
Que s'il veult faire quelque avance, Promets luy le vin hardiment.
Richard
Je m'y en vay
LOYS
Pareillement, Fay les recommandations De mes journelles passions A ma damoiselle et maistressc :
Que si de ma longue destresse Elle ha quelque compassion, Qu'ell'me donne assignation Pour par un doux contentement' Mettre la fin à mon torment.
Richard [seul.]
Mon maistre ha bien ce qu'il luy fault, Encore qu'il ait le cueur hault; Et qu'il ne veuille estre domté, Si est-ce qu'il est surmonté Par une femme aussi commune Que les divers cours de la Lune.
Elle peult tant envers mon maistre, Que par babil ell' l'a faict estre
LA TRÉSORIÈRE
Un parangon de pauvreté :
Et sous l'ombre d'une beauté
Qu'elle vend plus cher qu'au marché,
Elle luy a jà arraché
Les biens, l'honneur et les amis :
C'est une mer, où il a mis
Mille trésors qu'elle dévore,
Sans les regorger : et encore
Qu'il luy donne tant qu'il vouldra.
De rien plus il n'en adviendra
A mon maistre qu'elle déçoit,
Ny à elle qui le reçoit.
Et ce pendant, mille langueurs.
Et dix mille amoureaux vainqueurs
Tormentans son cueur attizé.
Je pensoy qu'il fust plus ruzé,
Veu /^u'il a tant hanté les armes.
Les courtizans et les gendarmes :
Mais les plus fins y sont trompez,
Et les plus légers attrapez.
Tant seulement sous l'apparance
D'une légère jouissance.
Encore si pour sa beauté
Elle valoit le décroté.
Je dirois : mais quoy? seulement
La façon de l'habillement
Vault. autant que la bague entière.
Et bien, c'est une Trésorière,
Laquelle par son doux parler
Sçait bien un homme emmieler.
Mais par ma foy j'estime autant
Ma Marion, et suis content
Encore plus de mes amours
Que non pas luy de son velours.
Sans qu'il me la faille prier.
Mais n'est-ce pas mon Trésorier Que je voy venir droict à moy?
