SCÈNE II. ~ BONIFACE, LE PROTENOTAIRE
BONIFACE
Non, non, Monsieur, si j'eusse esté Dedans nostre Université, Je leur eusse faict à cognoistre Que là dedans je suis le maistre.
JACQUES GRÉVIN Iio
Encore j'ay bonne espérance D'en avoir un jour la vengeance.
Le Protenotaire
Mais que diable es-tu devenu Ce pendant?
BONIFACE
J'estois détenu Combatant contre deux souldars :
Par dieu, c'estoient deux grans pendars, Qui m'eussent arraché la vie Du corps, si n'eust esté l'envie Qu'avoy de vaillamment deffendre, Si bien que je leur ay faict rendre Tout le courage avec les armes, Encor' que ce feussent gendarmes.
Le Protenotaire
Par dieu, je n'ay sceu si bien faire, Qu'au plus fort de tout mon affaire Je n'aye esté surpris. Mais quoy?
Il ne se souvient plus de moy :
Car l'ardeur du Seigneur Loys, Qui enfonçoit en bas son huys Pour entrer dedans la maison, Luy a faict perdre la raison.
BONIFACE
Non, Monsieur, je m'en veux vanger
Le Protenotaire
Mais, Boniface, en quel danger Penses- tu que j'estois alors?
Je t'asseure que tout mon corps, Estant aussi froid que le marbre, Trembloit comme une feuille d'arbre.
LA TRESORIERE
BONIFACE Ne pourriez-vous revancher?
Le Protenotaire
Encor' ne sçavoy-je attacher Mes chausses cheutes aux genouîx.
BONIFACE
Ha, si j'eusse esté avec vous !
Le Protenotaire
Encore me pensant sauver, Un autre m'est venu trouver Caché dans la chambre privée :
Puis Constante y est arrivée.
Ce qui a faict que, me sauvant, Je me suis trouvé au devant Du Seigneur Loys, qui suyvoit Le Trésorier, qui s'enfuyoit.
Quelle mine vous a-t-il faict?
Le Protenotaire
Il m'a dit que c'estoit bien faict A l'homme qui cherche tousjours Son aventure en ses amours.
Et que luy, estant pourchassant De ce dont j' est ois jouissant, Il se pensoit estre aimé d'elle.
BONIFACE
Comment! de ceste damoiselle?
Sçait-on pas bien qui est Constante?
Le Protenotaire
Ouy, et qu'en caste folle attente Il avoit dépendu beaucoup :
Mais qu'il vouloit tout en un coup Son argent, que le Trésorier Retenoit dessus son quartier, Puis qu'elle es toit ainsi commune.
BONIFACE
Or la damoiselle en ha d'une, L'argent qu'elle vous a preste Entre nos mains est arresté Jusque à la plus grande récompense, Des présens et de la despense Que vous avez faict, poursuyvant Son amour, et dorénavant Il se fault garder d'y rechoir.
Le Protenotaire
Boniface allons nous en voir Tous les escuz de la Constante.
