SCENE SEPTIESME. MANILLE. LE CAPITAN
QVel vacarme et quel bruit se fait deuant ma porte? - Auprès des gens d'honneur en vser de la sorte? C'est auoir grand respect pour nostre logement, Que de faire si près vn esclaircissement.
LE CAPITAN
Ha! Madame, excusez vne humeur chaude et prompte.
MANILLE
Comment vous excuser? n'auez-vous point de honte? Contre vn vieillard caduc, et foible, et desarmé. Mettre l'espée au vent? vous en serez blâmé. Dés-là l'en rabas quinze. Est-ce auoir du courage Que de se vouloir prendre aux hommes de cet âge? le me détrompe fort, et choisirois fort mal Si ie prenois iamais vn gendre si brutal.
LE CAPITAN
Madame , ce n'estoit qu'vne galanterie.
MANILLE
A d'autres : de là haut i'ay veu cette furie ; Mon fils de chez les Turcs depuis peu reuenu, Encor que ce vieillard luy soit fort inconnu, Voyant vne action si lasche et si vilaine, En est si fort esmeu qu'on le retient à peine. Là haut avec sa sœur ie viens de l'enfermer; De peur que son courroux que i'ay veu s'allumer. Au défaut d'vne espéc empoignant une broche. Ne vous fit sur cet acte vn plus sanglant reproche.
LE CAPITAN
Madame, ie l'aurois satisfait sur ce point. Mais quel est donc ce fils dont vous ne parliez point?
MANILLE
C'est Sillare : ce fils que ie pleurois naguère; Qui fut dans vn esquif pris auecque son père. Dés l'âge de deux ans mis en captiuité, Et que depuis trois mois quelqu'vn a rachepté.
LE CAPITAN
C'est vne chose estrange, et difficile à croire; Vous disiez l'autre iour, si i'ay bonne mémoire.
Que de certains Marchands trafiquans à Memphis, Escriuoient qu'Alcidor reucnoit sans son fils : Et pour montrer la chose encor plus assurée, Ils marquoient ce fils mort d'vne fièvre pourprée; Et qu'en certain endroit Alcidor auec deiiil , Auoit luy-mesme mis son enfant au cercueil.
MANILLE
C'est de cette façon qu'on m'escriuoit naguère : Mais c'est que l'on a mis le fils au lieu du père. Ce Marchand à la haste escriuant cet auis, Nous designoit ainsi le père pour le fils. Ces Marchands de leur fait ont la teste troublée.
LE CAPITAN
Cette affaire pourtant peut estre desmeslée. Dites-moy, vostre fils auoit-il quelque sein Sur le bras , sur la jambe , au dos ou sur le sein ? Au col, dessus l'espaule, ou dessus le visage? Qui de ces veritez vous rende tesmoîgnage?
MANILLE
Apres vingt ans passez dans vn si grand ennuy , Il ne me souuient plus d'Alcidor ny de luy,
Mais il nous a donné de tout plus d'vne enseigne.
Il n'est point chez les Turcs de lieu qu'il ne despeigne.
LE CAPITAN
Mais parle-t-il bon turc?
MANILLE
Bon turc? ie n'en sçay rien.
LE CAPITAN
Il faut le confronter à quelque Arménien ; Qui sçache le païs, qui sçache le langage, Pour voir s'il n'a point fait vn fabuleux voyage. La tromperie est grande au siècle où nous vivons ; Et nous ne disons pas tout ce que nous sçauons.
MANILLE
Et quoy? que sçauez-vous, parlez donc?
LE CAPITAN
le le celle, Pour ne m'engager pas à faire vne querelle.
MANILLE
C'est fort bien fait à vous; voicy de nos fendans Qui querellent si bien les gens de soixante ans.
Ces vaillans circonspects, et faits de la manière, A ne vous rien celer, ne me reuiennent guère.
LT2 CAPITAN
Madame !
MANILLE
Brisons là.
LE CAPITAN
Mais ie vous veux prier.
MANILLE
Mais ma fille, Monsieur, n'est plus à marier.
LE CAPITAN
C'est s'emporter beaucoup pour chose si petite;
le ne m'emporte point, la chose le mérite. Faurois pris pour bastir vn mauuais fondement ; Adieu, Monsieur, adieu, voyons-nous rarement.
LE CAPITAN
Madame, encore vn mot; elle est ma foy colère. Tandis TOrleannois là dedans fait grand chère :
Mais les inuentions viendront à me manquer. Ou deuant qu'il soit peu ie vais le débusquer, Esloignons-nous tandis , de peur de quelque orage Que pourroit exciter cette femme peu sage.
Fin du troisiesme Acte.
