PRIVILEGE DV ROY

LOl'is par la Grâce de Dieu Roy de France et de Nauarre : A nos Amez et Féaux Conseillers les Gens tenant nos Cours de Parlement, Maistres des Requestes ordinaires de nostre Hostel, Baillifs, Seneschaux, Preuosts, leurs Lieutenans, et à tous autres de nos lusticiers et officiers qu'il appartiendra. Salut : Nostre cher et bien Amé le sieur Tristan-l'Hermite, Gentilhomme de la Maison de nostre tres-cher Cousin le Duc de Guyse, Nous a fait remonstrer qu'il a composé depuis peu vne Comédie intitulée, le Parasite laquelle il est sollicité de mettre en lumière; ce qu'il ne peut faire sans auoir nos Lettres sur ce nécessaires, qu'il nous a tres-humblement supplié de luy accorder, a ces CAVSES, et voulant traiter fauorablement l'Exposant, en considération de son mérite, qui est connu non seulement en France, mais en toutes les Nations qui font profession d'aymer les Lettres : Nous luy auons permis et permettons par ces présentes, de faire imprimer, vendre et débiter en tous les lieux de nostre obéissance, ladite Comédie du Parasite, par tel Imprimeur ou Libraire qu'il voudra choisir, et en telles marges et tels caractères, et autant de fois que bon luy semblera, durant l'espace de cinq ans entiers et accomplis à compter du iour qu'elle sera acheuée d'imprimer pour la première fois. Et faisons tres-expresses deffences à toutes personnes de quelque qualité et condition qu'elles soient, de l'imprimer, vendre ny distribuer en aucun lieu de nostre obéissance, sans le consentement de l'Exposant, ou de ceux qui auront son droit, sous prétexte d'augmentation, correction, changement de titre, fausses marques ou autrement, en quelque sorte et manière que ce soit ny mesme d'en emprunter le titre ou frontispice, le tout à peine de quinze cens liures d'amende, payables sans déport par chacun des contreuenans, et aplicables vn tiers à Nous, vn tiers à l'Hostel Dieu de Paris, et l'autre tiers au Libraire dont l'Exposant se sera seruy, de confiscation des Exemplaires contrefaits, et de tous despens , dommages et interests; à condition qu'il sera mis deux Exemplaires de ladite Comédie en

nostre Bibliothèque publique, et vne en celle de nostrc tres-chcr et Féal le sieur molk' Cheualier Garde des Seaux de France, auant que de l'exposer en vente, et que les présentes seront registrées gratuitement dans les Registres de la Communauté des Libraires de nostre bonne Ville de Paris, suiuant le Règlement tait sur ce sujet par nostre Cour de Parlement, à peine de nullité d'icelles. Du contenu desquelles Nous voulons et vous mandons, que vous fassiez ioùir pleinement et paisiblement l'Exposant, et ceux qui auront droit de luy, sans souft'rir qu'il leur soit donné aucun empeschement. Voulons qu'en mettant au commencement ou à la fin de ladite Comédie vn Extrait des présentes, elles soient tenues pour deuëment signifiées, et que foy y soit adjoustée, et aux copies collationnées par vn de nos Amez et Féaux Conseillers et Secrétaires, comme à l'original. Mandons aussi au premier nostre Huissier, ou Sergent sur ce requis, de faire pour l'exécution d'icelles tous Actes et Exploits nécessaires, sans demander autre permission. Car tel est nostre plaisir, nonobstant oppositions ou appellations quelconques, et sans preiudice d'icelles, pour lesquelles nous ne voulons qu'il soit différé Clameur de Haro, Chartre Normande, et autres Lettres à ce contraires. Donne' à Paris le 23. iour de Mars, l'an de grâce mil six cens cinquante-quatre. P2t de nostre Règne l'onziesme. Par le Roy en son Conseil, Conrart.

Et ledit sieur Tristan l'Hermite, a cédé et transporté son droit de Priuilege à Avgvstin Covrbe' Marchand Libraire à Paris, pour en ioûir le temps porté par iceluy , ainsi qu'il a esté accordé cntr'eux.

Achevé d'imprimer pour la première fois , le i o Iiiin 1654.

Les Exemplaires ont esté fournis.

Registre sur le Liure de la Communauté , le dernier avril i654. conformément à l'Arrest du Parlement du g. Avril i653. à condition que le Présent Priuilege sera cédé à un Marchand Libraire ou Imprimeur. Ballard , Sindic.

Sl^fY^rT^rT^ST^WîTÎST^ST'^

LES PERSONNAGES

MANILLE, mère de Lucinde.

PHENICE, seruante de Manille.

FRIPESAVCES, Parasite.

LE CAPITAN, Matamore. CASCARET, valet du Capitan.

LISANDRE, amoureux de Lucinde.

PERIANTE, amy de Lisandre.

ALCIDOR, mary de Manille.

LVCILLE, père de Lisandre.