SCENE QVATRIESME
LE CAPITAN. CASCARET
LE CAPITAN
^][A bile est enflâmée, et tout mon sang s'embrase.
CASCARET
Cet Alcidor sans doute est le patron de case : Voicy qui comme vous m'estonne et me surprend.
LE CAPITAN
La rencontre est bizarre.
CASCARET
Ou le miracle est grand.
On peut dire, Monsieur, que c'est vne merueillc Qui iamais n'eust encor ny n'aura sa pareille. Il semble qu'Alcidor, de ie ne sçay pas où, A trauers de la Mer soit passé par vn trou ; Ainsi qu'vn godeno que, de fine manière, Brioché fait sortir hors de sa gibesiere. Et pour faire vne fourbe à Manille aujourd'huy, Nous auons esté droit nous adresser à luy.
Mais ie me veux vanger des paroles dernières : Bien-tost tous ces quartiers seront des Cimetières. Auec trois grains de poudre, et le bout d'vn tison, le veux faire en esclats voler cette maison; Et, pour me satisfaire, il faudra que Manille Auec son Alcidor, et Lisandre et sa fille, Son valet, sa seruante, et son chien, et son chat. Plus haut que les clochers fassent vn entre-chat : Et lors que ma fureur auec ce coup de foudre. Aura dans vn moment réduit ces corps en poudre; En portant ma vangeance encore plus auant, riray sous ce débris pour les soufler au vent : Les cendres d'Alcidor iront en Tartarie; Et celles de Manille iront en Barbarie: Les cendres de Lucinde aux terres du Mogor; Et celles de Lisandre au Royaume d'Onor.
CASCARET
Celles de Fripesauces?
LE CAPITAN
En la Magellanique.
CASCARET
Et celles de Phenice?
LE CAPITAN
A la coste d'Afrique;
CASCARET
Du chien?
Vers le détroit nommé Bebelmandel.
CASCARET
Et les cendres du chat?
LE CAPITAN
S'en iront au bordel.
CASCARET
C'est pour faire à Paris vn merueilleux esclandre , Mille fils de putains naistroient de cette cendre : Vous en auez, ie pense, enuoyé des miliers, Au quartier du Marais, et rue aux Grauiliers.
LE CAPITAN
Tay toy , tu me fais rire, et ie suis dans la rage; le pense à repousser vn si sensible outrage.
CASCARET
Vous deuez, ce me semble, en vser autrement : Puisque cette Lucinde estime vn autre amant,
i3o LE PARASITE.
Il faut la mespriser, il faut se moquer d'elle, Et de vostre costé faire vne amour nouuelle.
LE CAPITAN
De plus riches partis, et de meilleur estoc, Si tost qu'il me plaira de parler, me sont hoc : le suiuray ce conseil. Mais fuyons, ie voy fondre Auec ce vieux Preuost, des Archers en grand nombre.
