SCENE SIXIESME

ALCIDOR. MANILLE. LVCILE.

FRIPESAVCES.

ALCIDOR.

A Yez soin du mesnage, et moy de mon honneur. Mais il sera puni ce lâclie suborneur.

MANILLE

Mais donnez-vous vn peu le loisir de m'entendre.

ALCIDOR.

Non, ie vous dis encor que ie le feray pendre, Deussay-je à cet effet employer tout mon bien.

LVCILE.

Monsieur, n'en iurez pas, car vous n'en ferez rien.

ALCIDOR.

Qui m'en empeschera?

Mov, moy, qui suis son père.

ALCIDOR.

Le fussiez-vous cent fois, il ne m'importe guère.

LE PARASITE. iSg

LVCILE.

Nous verrons.

ALCIDOR.

Nous verrons s'il ne fait pas le saut.

LVCILE.

Vous VOUS emportez trop , et vous parlez trop haut ; Vous rendez criminelle vne cause civile : Mais i'ay de bons amis , et bon crédit en ville.

ALCIDOR.

Vous en aurez besoin pour pouuoir empescher Le cours de la Justice, et Thonneur m'est si cher, Que pour estre vangé de ma fille rauie, le n'espargneray point, ny mon bien, ny ma vie.

LVCILE.

Nous verrons de nous deux à qui l'emportera.

ALCIDOR.

le n'ay quVne maison , mais elle sautera ; Et quelque arpent de terre, et quelque arpent de vigne, Plutost que ie n'en tire vne vengeance insigne, l'y mettray tout pour tout.

Et moy, grâces à Dieu, I'ay sur les bords du Loire, en vn assez beau lieu,

Vn Colombier qui vaut trois mille francs de rente, Et quelqu'autre à la ville; et de plus ie me vante, D'auoir quelques deniers dedans mon coffre fort. Qui pourront exempter Lisandre de la mort.

ALCIDOR.

le ne m'estonne point de propos ridicules; le le ferav périr.

LVCILE.

Vos fortes fièvres mules.

Pour quel grand auantage, et pour quelle raison, Voulez-vous ainsi perdre vn enfant de maison.

ALCIDOR.

Pourquoy m'offence-t-il? pourquoy perd-il ma fille? Etdeshonore-t-il vne honneste famille?

FRIPESAVCES.

La tache n'est pas grande, on la pourroit oster, Sans qu'vn arrest mortel se dûst exécuter, Si Ton donnoit Lucinde à Lisandre pour femme.

LVCILE.

Lor^ que cela seroit, Monsieur vaut bien Madame.

MANILLE

Vous Tapprouueriez donc?

LVCILE.

C'est ainsi que i'entends.

FRIPESAVCES.

C'est comme il faut parler pour estre tous contents.

MANILLE

lamais à cet accord nous ne serons contraires.

LVCILE.

Vous n'auez qu'vne tille.

MANILLE

Elle n'a sœurs ny frères.

ALCIDOR.

Vostre fils est vnique?

LVCILE.

Et pour son entretien, S'il est bon mesnager n'aura que trop de bien. Mais tous deux l'auez veu; ioiions sans auantage, le voudrois de Lucinde auoir veu le visase.