SCENE
TROISIESME
L'ESCHANSON, SALOME.
L ESCHANSON.
Ouray-ie dire encore vn mot à vostre Altesse, Sur l'exécution de son commandement?
SALOME.
Ouy ie l'escouteray; parle donc hardiment.
L ESCHANSON.
Madame, en vous seruant i'affronte des supplices, le m'en vay me conduire entre des précipices, Dans vn sentier glissant, où faisant vn faux pas le suis tout asseurc d'arriuer au trespas,
Il ne faudroit au Roy quVne seule pensée, Pour ralumer le feu de son Amour passée, Vn doux ressouuenir de sa tendre amitié, Vn regard tout chargé de traits de la pitié , La moindre émotion qui vienne à la trauerse, Vne larme, vn soupir, me choque et me renuerse, Fy voy mille périls : mais ie les braue tous. Car mon obéissance est aueugle pour vous : Et puis vous m'asseurez que par cette industrie, le m'expose à la mort pour sauuer ma patrie,
SALOME.
Si tu fermes les yeux pour m'exprimer ta foy, le le veux recognoistre ouurant la main pour toy. Mais tu fais ta fortune, et t'acquiers vne gloire, Qui pourroit esgaler l'honneur d'vne victoire. Tu preserues ton Roy d'vn funeste accident, Tu nous retires tous d'vn naufrage euident. Et dans cette entreprise où ie te sers de guide, Le labeur est léger et le prix est solide ; Tu vas en cet exploit par ma commission. Tu n'auances du tien que sous ma caution : C'est moy qui te présente, et c'est moy qui t'auouë, Qui vay donner le bransle et pousser à la roue; Tu sçais bien que le Roy croit assez de léger. Et que c'est vn esprit que ie sçay ménager. Ton raport va surprendre vne ame défiante, Crédule, furieuse, et fort impatiente,
Dans ce trouble excité, si tu fais ton deuoir, Il mordra l'ameçon sans s'en apperceuoir, C'est vn apas subtil que ie luy feray prendre, Sans qu'il ait le moyen de s'en pouuoir deffendre.
Puis pour ta seureté tu seras aduerty, Que Mariane mesme est de nostre party.
Son cœur enuenimé d'vne rage nouuelle , S'entend auecque nous pour conspirer contr'elle, Tout à l'heure en deux mots elle m'a fait iuger Qu'elle va voir le Roy pour le des-obliger : Tu sçay de quelle sorte il suporte vne iniure, Sers toy donc à propos de cette coniecture; Tout rit à nos desseins, tout respond à nos vœux, L'occasion paroist, pren-la par les cheueux.
l'eschanson.
Ces puissantes raisons mettroient en asseurance
L'ame la plus timide et la plus en balance :
Mais puisque vostre Altesse et les Cieux l'ont voulu,
Mon cœur sur ce sujet est assez résolu ,
Tout ce qui me retient, c'est que ie vay parestre,
Et deuant vn grand Prince, et deuant vn grand Maistre
Qui sçait ce qu'on veut dire auant qu'on ait parlé.
Et qui peut descouurir vn cœur dissimulé.
Madame, en peu de mots vous plaist-il de m'aprendre, La meilleure façon dont ie le puis surprendre,
Adioustez à mon ordre vn peu d'enseignement, Afin que mon effort succède heureusement.
SALOME.
Il faut dans ce rapport par vne adresse extresme, Que pour le mieux tromper tu te trompes toy-mesme Figure toy vn fait d'vn penser ingénu, Comme si sans mensonge il estoit aduenu; Puis ayant en ton ame imprimé cette image, Laisse agir là dessus ta langue et ton visage.
le ne puis te donner de meilleure leçon : Mais dy tousiours le fait de la mesme façon; Croy toy-mesme Thorreur que tu veux faire croire, Et prens garde en parlant de manquer de mémoire.
Dy ces mots à peu prés : Sire, de iour en iour, La Reine m'entretient sur vn Philtre d'amour, Qu'elle voudroit mesler parmy vostre breuuage, Afin de vous porter à l'aimer dauantage. Mais connoissant assez l'excès de vostre ardeur, le trouue que ce Philtre est de mauuaise odeur, Veu mesmes que tandis qu'elle m'en solicite. Elle est mal asseurée, et paroist interdite : Là dessus, meu de zèle et de fidélité, l'en viens donner aduis à vostre Maiesté, De peur que par l'employ de queiqu'autre ministre, Vous soyez preuenu d'vn accident sinistre.
L ESCHANSON.
le trouue ce discours fort propre à l'esmouuoir, Eti'espere, Madame, y faire mon deuoir.
SALOME.
La Reyne en son quartier se sera retirée, Porte donc ce propos d'vne voix asseurée. le m'y rencontreray : feras tu cet effort?
l'eschanson.
Ouy, Madame, deussay-ie y rencontrer la mort.
42 LAMARIANE,
