SCENE

CINQ.VIESME.

SALOME, HERODE.

s AL O ME.

Vel est donc le suiet qui vous met en colère?

HERODE

Celuy qui tous les iours ne fait que me desplaire.

SALOME.

C'est possible la Reine auec sa cruauté,

Car ses traits de rigueur n'ont point de nouueauté.

HERODE

Tu l'as bien deuiné, ouy c'est cette cruelle, Et le dernier affront que ie receuray d'elle.

SALOME.

Vous en direz de mesme encore au premier iour.

HERODE

Nullement, son mespris a destruit mon amour.

le la hay maintenant à l'esgal de la peste,

Et trouue que pour moy c'est vn fléau céleste.

SALOME.

Puis-ie sçauoir quel est ce mescontentement?

HERODE

le m'en vay te l'apprendre, assis toy seulement ;

Désirant de la voir, non sans impatience, le l'auois demandée auec beaucoup d'instance, Quand cet esprit ingrat qui s'est senty presser, M'a rendu ce deuoir afin de m'offenser : En vain ie l'ay traictée auec toute l'adresse, Dont vn parfait Amant oblige vne Maistresse : Car trauaillant sans fruit dans le soin que i'ay pris, Mes faueurs ont tousiours irrité ses mespris. Toutes mes passions n'ont fait que lui desplaire, Ses yeux estinceloient d'vne iniuste colère; Et dans ces mouuemens cruels et furieux. Elle m'a dit des mots si fort iniurieux.

Que ne pouuant souffrir vne telle insolence, Enfin ie l'ay chassée auecque violence.

Voila ce qui me pique, et me trouble si fort, Voy quelle est sa manie, et me dis si i'ay tort.

SALOME.

Ouy, VOUS auez grand tort, et son ingratitude Deuoit vous affliger dVn traictement plus rude; Puisque sans redouter ses dangereux effects. Vous rirritez sans cesse à force de bien-faicts : C'est vn monstre d'orgueil et de mesconnoissance, A qui vostre bonté donne trop de licence. Si la faueur du Ciel ne destourne ses coups. Sa malice à la fin se deffera de vous.

HERODE

Estant assez instruit de sa mauuaise enuie, le Tempescheray bien d'attenter sur ma vie.

SALOME.

l'en doute; nostre sexe est fort vindicatif, Et dans ses trahisons se rend bien inuentif ; La tigresse qui voit enleuer sa portée. Est moins à redouter qu'vne femme irritée. Veuillez considérer que dans vn iuste efîroy, Pour vostre seureté ie parle contre moy.

46 LAMARIANE,

HERODE

le mettray tant de gens à veiller autour d'elle, Que son ame offensée, après cette querelle. N'aura pas le moyen de prendre aucun party, Sans que tout à l'instant on m'en tienne aduerty :

L'Huissier s'auance vers la chaise d'Herode. Son meilleur est d'auoir tousiours la bouche close, Autrement qu'est-ce?

SALOME.

On vient vous dire quelque chose.