VISANT LA CHAPELLE DE SAINTE-BARBE
( Note de Berly, sans indication de provenance.)
(Texte, p. 67 et 68.)
«Ladicle chappelle S' Symphorien tient par bas à la rue S1 Sympborien passant entre ladicte chappellc (blanc) et le collège S1" Barbe, et par hault à une place rayde qui souloit estre
ÎUTIOÜilE.
jardin . de présent estant une court, estant au dessoubz la maison S1 Michel, et que ladicte ohappelle aboutist par devant à la rue anciennement appelée la bue de M" Jehan, passant par devant le collège des Chollets, et par derrière au collège de Montégu, et que ladicte chappelle est bastie et edilfiée d’ancienneté et des premières de Paris, de grosses estolles, matières et pierres de taille, et est laide à vostes antiques, et de gros arcs ou piiliers boutans de pierres de taille, et en toutes les parties d'icelle en la forme et modèle antique, et les fondemens d’iceulx , arcs et piiliers boutans, s’étendent dedans la terre près ladicte chappelle, et de plus d’une toyse, et est ladicte chappelle séparée et séquestrée par toutes les parties et endroicts d’icelle de tous édidices; il y a plusieurs grandes et larges (blanc) et de tous coslés, bouts et endroicts d’icelle; et que le cueur et grant aultel de ladicte chappelle sont tombez par terre jusques ans fondements, estant à fleur de terre, et sont apparentz ii fleur de terre; estre de trois piedz de largeur ou environ, et le grant autel estre environ de quatre piedz et y avoir des gros arcs et piiliers boutans, allant en longueur en terre comme les aultres de ladicte chappelle qui sont encore debout, et que les fondemens au cueur de ladicte chappelle et des gros arcs et piiliers boutans hors icelle, à fleur de terre, sont à une toize et deux, ou environ, près le collège de Montaigu, et par dedans terre, se joignant jusques aux fondements dudict collège de Montaigu.
Pareillement, que ladicte chappelle S1 Sympborian, le tour et circuit d’icelle, du costé d’en bas, s’eslend jusques à ladicte rue S1 Sympborian, et est close et fermée d’un meur, estant de dix piedz ou environ de liault , au dessus rez de chaussée de ladicte rue, distant de trois à quatre tnizes de ladicte chappelle, et que les fondements dudict, gros arcs et pdliers boutans vont dedans terre , jusques près le meur de ladicte rue S> Sympborian, ou place d’une toyse près ladicte chappelle, ainsi qu’il appert par l’ouverture faicte de la terre qui couvre les fondements desdicts gros arcs et piliers boutans; et en ladicte rue S> Symphonan, y a une petite porte dedans le meur faisant ladicte closture de ladicte chappelle, et une aultre petite porte vis à vis, dedans le gros meur de ladicte chappelle, pour entrer en icelle et sortir hors de ladicte chappelle pour toutes personnes; et entre ledict gros meur de ladicte chappelle S> Sympborian, dedans icellui gros meur et adjasant icellui, depuis l’un des coings de ladicte chappelle jusques à ladicte rue S‘ Sympborian, y a un petit appentis ou galleno de la longueur de trois à quatre toizes et de la largeur de deux toyzes ou environ, servant seulement pour monter en la chambre faicte en ladicte chappelle. Et soubz cest appentiz ou galle, ie, y a un petit trou ou fenestre, qu’on appelle ouvroucr, où se tient un petit ravauldeur de chaulses d’escolliers. Semblablement que ladicte chappelle, le tour et le circuyt s’estend par le devant de ladicte chappelle, le coing de ladicte rue M' Jehan, passant par devant le collège des Uiollets et au coing de ladicte rue S1 Sympborian, depuis le coing de ladicte chappelle jusques au pavé desdictes rues. Entre lesquelles rues, au devant de ladicte chapelle, y a une belle place carrée non pavée de ladicte chapelle S1 Sympborian et du (blanc) d’icelle, allant de front depuis le pavé qui est au dessus la porte du collège des Chollets jusques a la porte commune, estant entre ladicte chapelle et la Maison S‘ Michel, et depuis ladicte porte commune jusques à ladicte rue S1 Symphorian; contenant, ladicte place, environ huit toizes de longueur et six toizes de largeur, servant pour les aisances de ladicte chappelle et le obslencion et montrée d’icelle chappelle, aussi pour la commodité des gens de bien et pellerins qui souloient venir en ladicte chapelle, et pareillement pour mettre et lever, le jour de la fête de S1 Svmpliorian, les bancs, selles et tables des marchands qui vendent aux gens qui viennent on dévotion en ladicte chappelle S1 Symphorian, et par le devant, y a beau portail et belle entrée au mylieu de ladicte chapelle. Auquel y a de présent ung petit ouvrouër, dedans lequel semblablement demoure ung aultre petit ravauldeur de chaulses d’escolliers; et au festo et sommet* de ladicte chappelle y a deux fenestres de longueur environ de trois piedz, et de hau -
APPENDICES ET PIÈCES JUSTIFICATIVES
A Zi 3
leur de cinq piedz; desquelles le bas est en carré et le liault en rond, et au dessoubz desdictes fenestres, entre icelles et le portail de ladicte esglise, y a de présent une chambre, estuve et grenier ayant veues faictes de toutes parts, puis environ vingt ans, dedans icelle mesme chapelle, depuis le portail de ladicte chapelle jusques au mylieu de la nef d’icelle.
Pareillement que ladicte chappelle contencieuse, le tour et circuyt du costé d’en bault, s’estend jusques à ung meur tombé par terre, de présent apparent, qui auroit esté cydevant couvert de terre, et encore parlye d’icelluy meur auroit, depuis la fesle de Pasques dernier passée, esté couvert de pavé, et est ledict meur entre ladicte chappelle contencieuse et ladicte place vuide qui, comme dict est, souloit estre jardin, et de présent est court, estant au dessoubz, joignant et contiguë ladicte maison S1 Michel.
Et lequel meur va du long de ladicte chappelle et place vuyde, depuis un pillier rond de pierre de taille, planté dedans terre, près la porte commune ou au dessoubz (blanc) pillier jusques au collège de Montaigu, et est. distant de deux toizes ou environ de ladicte chappelle et de plus de six toizes ou environ de ladicte maison de S1 Michel. Par dedans la court d’icelle maison il faict la division et séparacion de circuyt de ladicte chappelle contencieuse, et de ladicte court et maison S1 Michel; et que c’est le mesme meur, séparacion et division de ladicte maison S1 Michel, alléguez par les defiendeurs au procès d’entre les parties, et que jusques à ce meur, qui est planté dedans terre de tout temps et antiquité, ladicte chappelle et partye du tour et circuyt d’icelle et aussi le fondement dedans terre desdicts gros arcs et pilliers boutans estant hors d icelle chappelle, du couslé de ladicte maison S1 Michel, s’estendent et se contiennent. Par delà ledict meur planté dedans terre, est la maison et appartenances de S1 Michel, entre laquelle et ladicte chappelle est la grande porte commune aux parties, à l'encougneure de ladicte chappelle contencieuse et de ladicte maison S1 Michel. En oultre, y a une aultre porte, bouchée depuis le procès entre les parties, près de ladicte porte commune, oultre ladicte chappelle et lesdicts pilliers ronds de pierre de taille, qui sert pour entrée pour les defTendeurs dedans 1 allée, circuyt et closlure de la chappelle, et une aultre plus petite porte dedans le gros meur en pierres de ladicte chappelle, pour entrer en icelle et sortir d'icelle, pour toutes personnes, et faire les processions, oraisons et dévotions ordinaires et accoutumées allentour et dedans le circuit de ladicte chappelle et allant d’icelluy pillier rond audict collège de Montaigu, du costé de ladicte rue S1 Michel.»
