H TRAGEDIE
En trois iours qu'ils ont demeuré.
Ne nuict ne iour ie ne repose :
Et si ne pense à autre chose Qu'à mon seigneur et à mon fils.
A uray dire, assez mal ie fis De les laisser aller ainsi, Ou de n'y estre allée aussi.
De six iours sont passez les trois.
Que trois! mon Dieu, et toutes fois Trois autres attendre il me faut.
Helàs, mon Dieu qui uois d'en-haut Et le dehors et le dedans, Vueilles accourcir ces trois ans : Car à moy ils ne sont point iours, Fussent-ils trente fois plus cours.
Mon Dieu, tes promesses m'asseurent :
Mais si plusiong temps ils demeurent, Tay besoin de force nouuelle, Pour souffrir une peine telle.
Mon Dieu, permets qu'en toute ioye, Bien tost mon seigneur ie reuoye, Et mon Isaac que m'as donné, l'accole en santé retourné.
ABRAHAM
Dieu, ô Dieu tu uois mon cœur ouuert Ce que ie pense, ô Dieu t'est descouuert :
Qu'est-il besoin que mon mal ie te die?
Tu uois, helàs, tu uois ma maladie :
Tu peux tout seul guarison m'enuoyer,
S11 te plaisoit seulement m'ottroyer
Vn tout seul poinci que demander ie n'ose.
SATAN
Si faut-il bien chanter quelqu'autre chose.
ABRAHAM
Gomment? comment? se pourroit-il bien faire, Que Dieu dist l'un, et puis fist du contraire? Est-il trompeur? si est-ce qu'il a mis En uray effect ce qu'il m'auoit promis.
Pourroit-il bien maintenant se desdire?
Si faut-il bien ainsi conclurreetdire, S'il ueut rauoir le fils qu'il m'a donné.
Que di-ie? ô Dieu, puis que 1 us ordonné, le le feray. làs, est-il raisonnable.
Que moy qui suis pécheur tant misérable, Viene à iuger les secrets iugemens De tes parfaits et tressaincts mandemens ?
SATAN
Mon cas ua mal, mon froc, trouuer nous faut Autre moyen de luy donner assaut.
ABRAHAM
Mais il peut estre aussi que i imagine Ce qui n'est point : car tant plus i'examine
Ce caâ ici, plus îe le trouue estrange.
C'est quelque songe, ou bien quelque faux ange
Qui m'a planté ceci en la ceruelle :
Dieu ne ueut point d'offrande si cruelle.
Maudit-il pas Gain, n'ayant occis
Qu Abel son frère? eti'occiraymon fils?
SATAN
lamais, iamais.
ABRAHAM
Hà, qu'ay-ie cuidé dire?
Pardonne moy mon Dieu, et me retire Du mauuais pas où mon péché me meine.
Deliure moy, Seigneur, de ceste peine.
Tuer le ueux moy-mesme de ma main, Puis qu'il te plaist, ô Dieu : il est certain Que c'est raison, parquoy ie le feray.
SATAN
Mais si ie puis ie t'en engarderay.
Mais le faisant ie feroy' Dieu menteur ; Car il m'a dit qu'il me feroit cest heur.
Que de mon fils Isaac il sortiroit Vn peuple grand qui la terre empliroit.
Isaac tué, l'alliance est defaicle.
Làs est-ce en uain, Seigneur, que tu l'as faite?
Las est-ce en uain. Seigneur que tant de fois Tu m'as promis qu'en Isaac me ferois Ce que iamais à autre ne promis ?
Làs pourroit-ii à néant estre mis Ce, dont tu m'as tant de fois asseuré ?
Làs, est-ce en uain qu'en toy i*ay espéré?
uaine attente^ ô uain espoir de l'homme !
C'est tout cela que ie puis dire en somme, l'ay prié Dieu qu'il me donnast lignée.
Pensant, helas, s'elle m'estoit donnée, Que l'en auroy' un merueilleux plaisir, Et ie n'en ay que mal et desplaisir.
De deux enfans l'un i'ay chassé moy-mesme, De l'autre il faut, ô douleur très extrême, Que ie soy' dit le père et le bourreau :
Bourreau, helas, helas, ouy bourreau.
Mais n'es-tu pas celui Dieu proprement, Qui m'escoutas ainsi patiemment, Voire, Seigneur, au plus fort de ton ire.
Quand tu partis pour Sodome destruire?
Maintenant donc ueux-tu, mon-Dieu, mon Roy, Me repousser quand ie prie pour moy?
Engendré l'ay, et faut que le defiface.
Dieu, ô Dieu, au moins fay-moy la grâce,
SATAN
Grâce, ce mot n'est point en mon papier.
Qu'un autre soit de mon fils le meurtrier.
Helas Seigneur, faut-il que ceste main Vienne à donner ce coup tant inhumain?
Las, que feray-ie à la mère dolente.
Si elle entend ceste mort uiolente?
Si ie t'allègue, helas, qui me croira?
S* on ne le croit, làs, quel bruit en courra?
Seray-ie pas d'un chacun reietté
Gomme un patron d extrême cruauté?
Et toy, Seigneur, qui te uoudra prier?
Qui se uoudra iamais en toy fier?
' Làs pourra bien ceste blanche uieillesse
Porter le faix d'une telle tristesse?
Ay-ie passé pai*mi tant de dangers,
Tant trauersë de pays estrangers.
Souffert la &im, la soif, le chaut, le froid.
Et deuant toy tousiours cheminé droit :
Ay-ie uescu, uescu si longuement,
Pour me mourir si malheureusement?
i, Fendez mon cœur, fendez, fendez, fendez,
Et pour mourir plus long temps n'attendez.
Plustost on meurt, tant moins la mort est greue.
SATAN
Le uoila bas, si Dieu ne le reieue.
ABRAHAM
Que di-ie? où suis-ie? ô Dieu mon créateur.
Ne suiS'ie pas ton loyal seruiteur?
Ne m'as-tu pas de mon pays tiré?
Ne m'as-tu pas tant de fois asseuré,
FRÂTiÇOISE. 49
Que ceste terre aux miens estoit donnée?
Ne m'as-tu pas donné cette lignée,
£n m'asseurant que d'Isaac sortiroit
Vn peuple tien qui la terre empliroit?
Si donc tu ueux mon Isaac emprunter,
Que me faut-il contre toi disputer ?
Il est à toy : mais de toy ie Tay pris.
Et pour autant quand tu l'auras repris,
Resusciter plustost tu le feras.
Qu'il ne m'aduinst ce que promis tu m'as.
Mais, ô Seigneur, tu sais qu'homme ie suis :
Exécuter rien de bon ie ne puis.
Non pas penser : mais ta force inuincible
Fait qu'au croyant 11 n'est rien impossible.
Arrière chair, arrière affections :
Retirez-vous, humaines passions, ^
Rien ne m'est bon, rien ne m'est raisonnable.
Que ce qui est au Seigneur agréable.
SATAN
Et bien, et bien, Isaac donc mourra, Et nous uerrons après que ce sera.
faux uieillard, tant me donnes de paine!
ABRAHAM
Voila mon fils Isaac qui se pourmeine.
poure enfant, d nous poures humains^ Cac^ans souuent la mort dedans nos seins.
Alors que plus en pensons estre loin.
Et pour autant il est tresgrand besoin
De uiure ainsi que mourir on désire.
Or ça mon fils, helas que ueux-ie dire?
ISAAC
Plaist il mon père.
ABRAHAM
Helas ce mot me tue.
Mais si faut-il pourtant que m'esuertue.
Isaac mon fils, helas, le cœur me tremble.
ISAAC
Vous auez peur, mon père, ce me semble.
ABRAHAM
Hà mon ami, ie tremble uoirement. Helas, mon Dieu !
ISAAG.
Dites moy hardiment Que nous auez, mon père, s'il nous plaist.
ABRAHAM
Hà mon ami, si uous sauiez que c'est
Miséricorde, 6 Dieu, miséricorde !
Mon fils, mon fils, uoyez-uous ceste corde, Ce bois, ce feu, et ce Cousteau ici?
I Isaac, Isaac, c'est pour uous tout ceci.
SATAN
Ennemi suis de Dieu et de nature :
Mais pour certain ceste chose est si dure, Qu'en regardant ceste unique amitié, Bien peu s'en faut que n'en aye pitié.
ABRAHAM
Helas Isaac.
ISAAC
Helas, père très doux, le nous suppli, mon père, à deux genoux Auoir au moins pitié de ma ieunesse.
ABRAHAM
seul appuy de ma foible uieillesse !
Las, mon ami, mon ami, ie uoudrois Mourir pour nous cent millions de fois :
Mais le Seigneur ne le ueut pas ainsi.
ISAAG.
Mon père, helas, ie nous crie merci.
Helas, helas, ie n'ay ne bras ne langue Pour me défendre, ou faire ma harengue Mais, mais uoyez, 6 mon père, mes larmes :
Auoir ne puis ni ne ueux autres armes Encontre nous : ie suis Isaac, mon père, le suis Isaac, le seul fils de ma mère :
le suis Isaac, qui tient de uous la uie :
Souffrirez-uous qu'elle me soit rauie?
Et toutesfois si uous faites cela, Pour obéir au Seigneur, me uoila :
Me uoila prest, mon père, et à genoux, Pour souffrir tout et de Dieu et de uous.
Mais qu'ay-ie fait, qu'ay-ie fait pour mourir? He Dieu, he Dieu, uueille-me secourir.
ABRAHAM
Helas mon fils Isaac, Dieu te commande Qu'en cest endroit tu lui serues d'offrande.
Laissant à moy, à moy ton poure père.
Las quel ennuy !
ISAAC
Helas ma poure mère.
Combien de morts ma mort uous donnera !
Mais dites-moy au moins qui m'occira?
ABRAHAM
Qui t'occira, mon fils! mon Dieu, mon Dieu, Ottroye moy de mourir en ce lieu?
ISAAC
Mon père.
ABRAHAM
Helas, ce mot ne m'appartient.
Helas, Isaac, si est-ce qu'il conuient Seruir à Dieu.
ISAAC
Mon père, me uoila. i
SATAN
Mais ie uous pri, qui eust peusé cela?
ISAAC
Or donc, mon père, il faut comme ie uoy, Il faut mourir. Làs, mon Dieu, aide-moy :
Mon Dieu, mon Dieu, renforce moy le cœur.
Ren-moy mon Dieu, sur moy-mesme ueinqueur.
Liez, frappez, bruslez, ie suis tout prest D'endurer tout, mon Dieu, puis qu'il le plaist.
ABRAHAM
A, a, a, a, et qu'est-ce, et qu'est ceci?
Miséricorde, ô Dieu par ta merci.
ISAAC
Seigneur, lu m'as et créé et forgé.
Tu m'as. Seigneur sur la terre logé.
Tu m'as donné ta saincte cognoissance :
Mais ie ne t'ay porté obéissance Telle, Seigneur, que porter ie deuo'is :
Ce que le prie, helas, à haute uoix.
Me pardonner. Et à uous mon seigneur, Si ie n'ay fait tousiours autant d'honneur Que meritoit uostre douceur tant grande, Treshumblement pardon uous en demande.
Quant à ma mère, helas, elle est absente Vueille, mon Dieu, par ta faueur présente La preseruer et garder tellement.
Qu'elle ne soit troublée aucunement.
(Ici est bandé Isaac.) Làs, ie m'en uay en une nuict profonde, xVdieu uous di la clarté de ce monde.
Mais ie suis seur que de Dieu la promesse Me donnera trop mieux que ie ne laisse, le suis tout prest, mon père, me uoila.
SATAN
lamais, iamais enfant mieux ne parla, le suis confus, et faut que ie m'enfuye.
ABRAHAM
Lus, nion ami, auant la départie, Et que ma main ce coup inhumain face.
Permis me soit de te baiser en face.
Isaac, mon fils, le bras qui t'occira, Encor' un coup au moins t'accolera.
ISAAC
Làs grand merci.
ciel, qui es Touurage De ce grand Dieu, et qui m'es tesmoîgnage Très suffisant de la grande lignée Que le uray Dieu par Isaac m'a donnée :
Et toy la terre à moy cinq fois promise.
Soyez tesmoin que ma main n'est point mise Sus cest enfant, par haine ou par uengeance, Mais pour porter entière obéissance A ce grand Dieu facteur de Tuniuers, Sauueur des bons, et iuge des peruers.
Soyez tesmoins qu'Abraham le fidèle, Par la bonté de Dieu a la foy telle.
Que nonobstant toute raison humaine, lamais de Dieu la parole n*est uaine.
Or est il temps, ma main, que t'esuertues,
(loi le Cousteau lui tombe des mains.) Et qu'en frappant mon seul fils, tu me tues.
ISAAG.
Qu'est-ce que i'oy, mon père? helas mon père !
ABRAHAM
ISAAG.
Là ie nous obtempère.
Suis-ie pas bien?
ABRAHAM
Fut-il iamais pitié, Fut-il iamais une telle amitié?
Fut-il iamais pitié? a, a, ie meurs, le meurs, mon fils.
ISAAG.
Ostez toutes ces peurs, le uous suppli : m'empescherez nous donques D'aller à Dieu?
ABRAHAM
(Ici le cuide frapper.)
Helàs, las qui uid onqiies En petit corps un esprit autant fort?
Helàs, mon fils, pardonne moy ta mort.
l'ange.
Abraham, Abraham.
ABRAHAM
Mon Dieu.
l'ange.
Remets ton cousteau en son lieu :
Garde bien de ta main estendre Dessus l'enfant, ni d'entreprendre
De l*outrager aucunement.
Or peux-îe uoir tout clairement Quel amour tu as au Seigneur, Puis que lui portes cest honneur»
De uouloir pour le contenter Ton fils à la mort présenter.
ABRAHAM
Dieu.
ISAAC
Dieu.
(Ici prend le mouton.)
Seigneur uoila que c'est De s'obéir. Voici mon cas tout prest :
Prendre le ueux.
l'ange.
Abraham.
ABRAHAM
Me uoici :
Seigneur, Seigneur.
l'ange.
Le Seigneur dit ainsi
le te promets par ma graad' maiesté, Par la uertu de ma diuinité, Puis que tu as uoulu faire cela.
Puis que tu m'as obéi iusques-là, De n'espargner de ton seul fils la uie :
Maugré Satan et toute son enuie, Bénir te ueux auec toute ta race.
Vois-tu les grains de l'arène au riuage?
Croistre feray tellement ton lignage.
Qu'il n'y a point d'estoiles aux cieux, Tant de sablon par les bords spatieux De rOcean qui la terre enuironne, Qu'il descendra d'enfans de ta personne.
Us domteront quiconques les haira, Et par celui qui de toy sortira, Sur toutes gens et toutes nations le desploiray mes bénédictions Et grans thresors de diuine puissance, Puis que tu m'as porté obéissance.
Or uoyez-uous de foy la grand puissance, Et le loyer de uraye obéissance.
Parquoy, messieurs, et mes dames aussi, le uous suppli quand sortirez d'ici.
Que de uos cœurs ne sorte la mémoire De ceste digne et ueritable histoire.
I Ce ne sont point des farces mensongères,
Ce ne sont point quelques fables légères :
Mais c'est un faict, un faict très ueritable. D'un serf de Dieu, de Dieu très redoutable, Parquoy seigneurs, dames maistres, maistresses, Poures, puissans, ioyéux, pleins de destresses, Grans et petits, en ce tant bel exemple Chacun de nous se mire et se contemple.
Tels sont pour uray les miroirs où Ton uoid Le beau, le laid, le bossu, et le droit.
Car qui de Dieu tasche accomplir sans feinte. Comme Abraham, la parole très saincte.
Qui nonobstant toutes raisons contraires, Remet en Dieu et soy et ses affaires.
Il en aura pour certain une issue Meilleure encor* qu'il ne l'aura conçeue.
Vienentles uents, uienenttempestes fortes, Vienent tormens, et morts de toutes sortes.
Tournent les cieux, toute la terre tremble.
Tout luniuers renuerse tout ensemble.
Le cœur fidèle est fondé tellement, Que renuerser ne peut aucunement :
Mais au rebours, tout homme qui s'arreste Au iugement et conseil de sa teste :
L'homme qui croit tout ce qu'il imagine.
Il est certain que tant plus il chemine.
Du uray chemin tant plus est escarté, Vn petit uent l'a soudain emporté :
Et qui plus est, sa nature peruerse En peu de temps soy-mesme se renuerse.
Or toy grand Dieu, qui nous as fait cognoistre
Les gratis abus esquels nous uoyons estre Le poure monde, helas, tant peruerti.
Fait qu'un chacun de nous soit aduerti En son endroit^ de tourner en usage La uiue foy de ce saînct personnage.
Voilà, messieurs, Theureuse récompense.
Que Dieu nous doint pour uostre bon silence.
tê^c^^^g^^^
lies Actes et Gestes merueilleux delà cité de d^nèire, nouuellement conuertie à l'Evangile faictz du temps de leur Réformation et comment ils l'ont reçue rédiges par escript en fourme de Chro- ' nique Annales ou Histoires commençant Tan 4532 par Anthoine Froment, mis en lumière par G. ReviLLiOD. 1 vol. in-8o, imprimé sur papier chamois, orné de gravures et relié en parchemin.
liettres de ^ean Calirin recueillies pour la première fois et publiées d'après les manuscrits par Jules Bonnet. 2 vol. in-8° : 12 fr.
Impr. Ramboz èl Scliuctiardt.
