DES HOMMES-FEMMES, ETC. 32I

fust prins et trouvé saisi ; non-seulement d'icelle, mais aussi de quelques ornements d'église qu'il avoit prins, finallement lequel, pour ses larcins et autres crimes contre luy avérez, fut pendu et estranglé devant la porte de ladicte Abbaye, et l'autre serviteur absouls. Lors ayant esté visité, il fut trouvé avoir une nature féminine bien formée, de laquelle ayant esté raporté qu'il n'avoit abusé, ny mesme d'une petite appendice qu'il avoit en forme de membre viril, au bas de l'os pubis, il luy fut permis prendre l'habit de femme, ce qu'ayant fait, fut joincte par mariage à un Marchand de vins, dont elle eut enfans. Cela est advenu lorsque i'estois demeurant en ladicte ville à la suite de mes cstudes.

Comme j'écrivois ce présent discours, il m'a esté référé qu'en ladicte ville de Paris il y a un jeune homme d'Eglise, Prcstre, lequel est gros d'enflint : et recognu pour tel, il a esté renfermé prisonnier aux prisons de la cour Ecclésiastique, pour là attendre la fin de sa grossesse, et que la nature ait produict ses efFects, pour recevoir peu après punition condigne à sa faute. Ce qui m'a esté mandé estre véritable par quelques miens amis, auxquels j'ay rescrit, curieux d'en sçavoir la vérité, et mesmement m'a esté affermé par monsieur FouUon, bachelier en Théologie, demeurant en la Sorbonne duditlieu, venu en ceste ville de Rouen pour quelques siennes affaires.