CHAPITRE LXl

Dt' Marin le Marcis, giinaiicr, qui pour avoir change d'habit et de nom, a esté en danger de perdre la vie.

Sous ceste espèce nous mettrons aussi Marin le Marcis, qui ayant esté baptisé, nommé, vestu, nourri et entretenu pour fille, jusques à l'aage de vingt ans : après qu'il eut senti indices de sa virilité, changea d'habit, et se faisant appeler Marin, au lieu de Marie, se fiança et donna foy de mariage à une femme, laquelle il cognut charnellement, par plusieurs fois. Mais d'autant que la forme des parties génitales d'iceluy est fort différente de tous les autres filles-hommes ou gynanères cy-dessus mentionnez, fors du dernier, et que l'histoire dudit Marin est digne d'être remarquée, pour la variété que Fortune a voulu pratiquer non seulement en son corps, mais aussi en sa vie, de la fin de laquelle il s'est veu bien près, par une cordangine qui l'a mortellement menacé luy serrer la trachée artère, jusques à extinction de vie, qu'il eust perdue ignominieusement s'il n'eust eu recours au Prince, par appellation, au moyen de laquelle la vie luy a esté remise, et a obtenu favorable justice, par la