QUI ONT ESTE RECOGNUES HOMMES
^Emilie, laquelle avoit esté joincte par mariage à Anthoine, citoyen d'Ébule, laquelle, après le douziesme an de son mariage, fut faite homme, et espousa une femme. Ayant depuis contention contre son mari pour la restitution du dot. Massive Aquosa, Jurisconsulte exerçant la Préture, luy fit rendre, par le commandement du Roy Ferdinand.
Mais à fin que plus ferme foy soit adjoustée à ce miracle, entendez ce qui est advenu à Naples, sous le régne de Ferdinand premier du nom. Loys Garna, citoyen de Salerne, eut cinq filles, desquelles deux des plus aagées, l'une nommée Françoise, l'autre Charlotte, quand elles furent parvenues au quinziesme an de leur aage, les parties viriles leur apparurent : lors ayans changé d'habit, ont esté tenus pour masles, et furent nommez François et Charles (Fulgose, liv. i, chap. 6).
En la ville nommée Esgurie, distante de deux lieues de Conimbrique, noble cité de Lusitanie, il y avoit une jeune Dambyselle nommée Marie Pacheca, qui estant parvenue à l'aage auquel les filles commencent à avoir leurs purgations naturelles, au lieu de menstrues luy sortit un membre viril, lequel jusques à ce temps avoit esté reconcé : ainsi de fille elle fut faite masle : et fut derechef baptisé et nommé Emanuel. Puis vestu d'habits d'homme passa aux Indes, devint excellent et riche. Par après revint vers ses parens, où il espousa femme. Je suis certain qu'il demeura tousjours sans barbe, mais je ne sçay s'il eut des enfans. dit Amatus Lusitanus (Centuria 2. Curât. 39).
En Abdére, Phaëtuse, femme de Pythée, au premier temps de son aage estoit féconde, mais comme son mari fust allé en exil, ses purgations menstruelles ont esté supprimées par longue espace de temps, par après des douleurs et rougeurs se sont engendrées aux joinc-
3 5S CH. LV. — HISTOIRES DE FILLES OU FExMMES
tures. Comme ces choses luy fussent advenues, le corps a esté rendu viril, le poil a commencé à croistre par tous les membres, le visage s'est couvert de barbe et la voix est devenue forte et aspre. Ce qui est advenu aussi à Nemise (Kippoc. liv. 6 de Morlns popuhirihus).
Anthoine Loqueneux, recepveur des tailles pour le Roy à Sainct Quentin, n'aguéres m'a affermé avoir veu un homme, au logis du Cigne à Rhénes, l'an 1560, lequel on avoit estimé fille jusques à l'aage de quatorze ans, mais se jouant et folastrant, couché qu'il estoit avec une chambrière, ses parties génitales d'homme se vindrent à desveloper. Le père et la mère, le cognoissans estre tel, luy firent par authorité de l'Église changer le nom de Jeanne à Jean, et luy firent bailler habillements d'homme.
« Aussi estant à Vitry le François, en Champaigne, à la suitte du Roy, je vy un certain personnage nommé Germain Garnier, aucuns le nommoyent Germain Marie, parce qu'estant fille il estoit appelle Marie, jeune homme de taille moyenne, trappe, bien amassé, portant barbe rousse assez espesse, lequel jusques à quinze ans de son aage avoit esté tenu pour fille, attendu qu'en luy ne se monstroit aucune marque de virilité, et mesmes qu'il se tenoit avec les filles en habit féminin. Ayant attaint l'aage susdit, comme il estoit aux champs et poursuivoit assez vivement ses pourceaux, qui estoyent dedans un blé, trouva un fossé, qu'il voulut affranchir, et l'ayant sauté, à l'instant se viennent à desvelopper ses génitoires et la verge virile, s'estans rompus les ligaments par lesquels auparavant ils estoyent tenus clos et enserrez. Cela no luy advint sans douleur, et s'en retourna larmoyant à la maison de sa mère, disant que ses trippes luy estoyent sorties hors du ventre, laquelle fort estonnée de ce spectacle, ayant assemblé des Médecins et Chirurgiens pour là-dessus
