JEAN DE CONDÉ
Bibl. Nation, de Paris, mss. franc. 1446, fol. 206-ï" 207,
e me sui longuement teiis Que par moi n'est ramenteiis Biaus mos. Savez par quel raison ?
Pour ce c'uns hom pert sa raison 5 En biaus mos conter et reprendre, C'on ne voit nului tant aprendre Que le bien en son cuer atraie Et de mal faire se retraie.
S'est li siècles teus devenus 10 Que nus n*iert ja mes bien venus S'il ne set fauvain estrillier.
Pour ce me voel appareillier
Pour savoir se faire le sai.
Car onques n'en fui en Tassai,
15 Mes tout li dit que j'ai répris Ont les malvès leur maus repris, Sans grant ne petit déporter, Car je lor cuidoie enorter Le bien faire et le mal laissier,
20 Mes je n'en voi nului plessier Son cuerpour conte ne pour dit, S'ai tout perdu quanque j'ai dit Pour yaus remeire en boine voie ; Ne voi nul qui volentiers voie
25 Celui qui son mal li reprent, Car li dyables si esprent Lor cuers et fait si obscurcir Que de plus plus fet endurchir Pechié en yaus et amonter,
30 Car qui lor voelt biaus dis conter Pour donner de bien faire exemple, Bien puet dire qu'il sert au Temple.
D'autre part, s'aucun biel dit conte En hostel de roi et de conte,
35 Où de plusours gens a grant masse, Chascuns s'i assamble et amasse, Quant j'ai commenchiet à conter, Car il me voellent escouter.
Se je parole de proëche,
40 Li couart, li plain de pereche En orront envis la parole ; Se de courtoisie parole.
Au vilain cuer, qui n*en a cure, Samblera la parole obscure ;
45 Se je parole de larguece,
Li aver plain de grant riquece D'autre part les chiés tourneront,
S*il osent, si destourneront Mon dit, qui leur desplaist forment, 50 Et au cuer en ont grant tourment ; Se je voel biastengier envie, Li malvez dont elle est servie, Li mesdisant de pute orine, En aront vers moi grant corine ; 55 Se losenge voel biastengier, Si me harront li losengier ; Se je di bien d'aucun prodoume, Li mesdisant, ce est la soume, Ne seront pas de mon acort, 60 Ains mesdiront de mon recort Et y verront mettre du sel, C'on ne puet en jaus trouver el Que ce qui leur vient de nature ; Se je parole de droiture , 65 Bail lieu, prevost et tele gent
Qui maintes fois prennent l'argent As povres gens par desraison, En orront en vis la raison.
Ensi ne veut oïr retraire 70 Nus chose qui li soit contraire, Mais qui voelt grâce recouvrer, A placebo l'estuet ouvrer, Ensi commencent les vegilles.
Se je ne vous di evangilles, 75 Je ne vous puis dire plus voir : Qui voelt au jour d'ui grasce avoir, Serve chascun à son plaisir, Ou il li venroit mieus taisir.
78 Ms. le p. lu
Car vérités ne vaut mes riea,
80 On n'uevre pas de tel mairien.
Vérités est toute affolée, Car losenge l'a si foulée, Et faussetés, c'est vraie chose, Que ja mais demoustrer ne s'ose ;
85 Tournée est à desconfiture.
Encore dont dist l'escriture Que vérités ne quiert nul angle, Mes losenge au jour d'ui l'estrangle Et li tient le piet sous la geule.
90 Grant seigneur sont près tout aveule Du cuer, ce di tout en apert, Car par lor deffaute se pert Vérités, bien est apparant ; Bien en trouveroie garant, 95 Se plus avant dire en voloie.
Je me tairai, car cil foloie Qui seus vuet tenir un usage ; Ne voi si vaillant ne si sage Qui les losengiers trop ne croie ;
100 Poi voi nului qui s'en recroie ; Ce est au jour d'ui la manière Qui plus est par le mont pleniere ; Coment dont le porroie abatre ?
Souvent me convenroit combatre
105 Et as plusors avoir descort.
Je devenrai de leur acort Et muerai mou vies usage , Si arai souvent avantage, Et bien croi teus me fera fieste
110 Qui d'autre part tourne sa tieste Maintenant quant devant lui vieng.
Voires, se losengiers devieng, Estre puet qu'au siècle en ferai
Mon pourût, mes je mefferai
115 Envers Dieu, ce conois je bien.
Mieus vaut que j'anonce le bien Ensement que je lai empris, Et des malvès soie repris, Que à leur volenté feïsse
120 Et encontre Dieu meffeïsse ; Pour ce, qui a aucun penser, Boin y fet après repenser Et tous jours le meilleur tenir.
Pour ce me vaut mieus maintenir
125 Mon pourpos.de vérité dire.
Se plain en sont d'anui et d'ire Li mauvais, n'i doi force faire.
Car je n'i cuic de riens meffaire ; Et bon gré savoir m'en deiissent,
130 Se il d'iaus volenté eussent
D'amender ; mes n'en ont talent Et pour ce en sont il dolent.
Mes li bon, pour exemple prendre, Sont liet quant il oient reprendre
135 Le bien, et pour yaus m'en verrai Pener de quanque je sarai.
Se li malvez aucune fois En font lor gas et lor buffois, Encot* puet bien estre que tés
140 En ert de mal pourpos jetés, Si arai moult bien employé Mon sens, que j'arai desployé A lui enseignier et estruire :
Qui on un seul porroit destruire
145 Le mal, s'il s'i ert atachiés,
Je tesmoing, et bien le sachiés, Qu'il aroit fet boine journée Puisque il aroit destournée
Sa volenté de mal à faire.
150 Or me laist Dieus si mon affaire Mener qu*autres à moi apreingne Le bien et à tel fin me preingne.
Quant m'ame ert de mon cors partie.
Qu'il le retiegne à sa partie.
