A LA ROYNE

La lettre était pliée en 16 et avait été scellée, sur un lacs de papier, du sinet en cire rouge de Danzay qui est adiré.

La réponse à celte lettre ne se trouve pas dans la correspondance jusqu'ici publiée de Catherine de Médicis.

Madame, Quandieroy de Dannemarcli partit de ceste ville de Coppenhaguen, je me tins comme pour certain qu'il n'envoyeroyt devers le Roy et Vostre Majesté qu'il ne fust de retour, et aussi celuy que j'ay envoyé devers le roy de Suède^ pour estre plus asseurè de sa cause; devantage, veu les raisons que je luy mis en avant^ je n'ay peu entendre qui l'a si soudain fait changer d'opinion, ne par quels moyens il

espère esmouvoir le Roy et Voslre Majesté à luy accorder ce qu'il demande.

Semblablement je croy qu'il ne pense qu'il soyt permis qu'en son nom le tabourin soit sonné en France pour y lever des gens de guerre, et si Vostre Majesté s'enquiert de celuy qui en a la charge, des moyens dont il veult user pour recouvrer lesd. deux mille harquebusiers, comme de l'argent, par qui il les veut lever, du lieu où ils s'assembleront et des navires pour les embarquer, j'ay peur que vous y trouviez faute de bon conseil, et croy qu'il n'y a homme en France qui le voulust entreprendre sans vostre exprès commandement. Peut estre qu'il s'adressera à Monsieur le conte R ingrave qui luy seroyt autant ou plus commode que nul aultre.

J'ay ceste opinion, Madame, que Vostre Majesté ne consentira en chose quelconque au préjudice du roy de Suède que pour le moins vous n'ayez eu response de luy, et par ce que je me tiens comme pour tout certain. qu'il refusera le Roy de ce qu'il luy demandera pour ses subjects quant au commerce de Nerve. J'ay si amplement déduict par les lettres du Roy ce qu'il m'en sembloyt et des moyens qu'il faudroit user, que je crains en avoir offensé Sa Majesté, qui me gardera vous en faire autre récit, supplyant très humblement Vostre Majesté qu'il luy plaise de sa grâce m'avoir pour excuse, car je ne désire autre chose que de luy satisfaire et le contenter entièrement en ma charge. Aussi parce que j'ay tousjours trouvé le roy de Dannemarch très affectionné envers Vostre Majesté et que je voy ses alTaires en tel estât, je dirai en telle extrémité, que s'il n'est secouru ou pour le moins consolé ctconàeillé de Voslre Majesté, et que ceste guerre dure encoroscest esté, je crains qu'il n'avienne

240 UN DIPLOMATE POITEVIN DU XVJe SIECLE

quelque changement en son royaume, ce que je dicts affin que Voslre Majesté y advise d'autant plus considérément, car je sçay que vostre authorité et réputation peut infiniment, tant envers led. roy de Dannemarch que les Estais de son royaume, où pour certain il y a de la faute.

Madame, Vostre Majesté s'employe pour la reconciliation desd. deux roys et à leur requeste. Le roy de Dannemarch vous prie de le secourir et le roy de Suède offense vos subjects.Letoutest meintenant de sçavoirsi leroy de Suède vouloyt persévérer et n'avoir esgard aux prières que le Roy et Vostre Majesté luy en ont faicte etferont de nouveau, si Vostre Majesté le voudra dissimuler ou s'ayder du roy de Dannemarch et des siens pour avoir raison dud. roy de Suède, et ce pendant par quels moyens il vous plaira retenir led. roy de Dannemarch, dont je ne me mesleray qu'en général sans exprès commandement de Vostre Majesté, auquel j'obéiray en toutes choses très syncèrement et fidèlement le reste de ma vie.

Madame^ je supply très humblement le Créateur vous donner en très heureuse santé et prospérité très heureuse et longue vie. De Coppenhaguen, ce XXV^ jour de décembre 1566.

Vostre très humble et très obéissant subject et serviteur.

G. DE Danzay.