fr.T^ gù? I
Jtrm, et t] i i n u f tou* te* tjenutmr* *rroot nlnoi mie, et or- ^ o . n e t pour le* i- 1 v ci i t i r ) tu rtu-ronî toute* i>umr* et î* • x î o t v» i* i î t* c* * î tvii.i *e i iji : e u r * , ,c!jr ou et rr* et c*cuiev*j en i o * oicaîauf î* uon • O'.'t o ou-tre, là prc*rr.* le* juo.r* qui mailleront trot)* ou quatre
ut* le* muer* pour bien or oit* et oieuier le* timbre*
Et premièrement, les bannières de tous princes se doivent apporter par ung de leurs chambellans chevaliers, et les pannons desdits chiefz se doyevent apporter par leurs premiers valez ou escuiers trenchans.
Et les bannières des autres bannerez, par leurs gentils hommes, ainsi qu’il leur plaira.
Les heaulmes des princes se doyevent aporter par leurs escuiers d’escuierie.
Et les heaulmes des autres bannerez, chevaliers et escuiers, par aucuns gentils hommes ou honnestes valez.
Icy dessous est pourtraicte l’istoire commant ils portent bannières et timbres de l’appellant ou cloistre, pour les arranger et faire le despartement.
Item, et quant tous les heaulmes seront ainsi mis et ordonnez pour les despartir, viendront toutes dames et damoiselles, et tous seigneurs, chevaliers et escuiers, en les visitant d’ung bout à autre, là présens les juges qui maineront troys ou quatre tours les dames, pour bien veoir et visiter les timbres : et y aura ung hérault ou poursuivant, qui dira aux dames, selon l’endroit où elles seront, le nom de ceulx à qui sont les timbres, ad ce que s’il y en a nul qui ait des dames mesdit, et elles touchent son timbre, qu’il soit le lendemain pour recommandé. ToutefFoiz nul ne doibt estre batu oudit Toumoy, se non par l’advis et ordonnance des juges, et le cas bien desbatu et attaint au vray, estre trouvé tel qu’il mérite pugnicion : et lors en ce cas doibt estre si bien batu le mesdisant, que ses espaules s’en sentent très bien, et par manière que une autrefois ne parle ou mesdie ainsi deshonnestement des dames, comme il a acoustumé.
En oultre la recommandacion des dames, y a autres certains cas plus
griefs et plus deshonnestcs que de mesdire d’elles, pour lesquels cas la pugnieion qui cy après s’ensuit, est deue à ceulx qui les ont commis.
Le premier cas et le plus pesant si est quant ung gentil homme est trouvé vrayement évidainment faulx et mauvais menteur de promesse, espécialement faicte en cas d’onneur.
Le second autre cas est d’ung gentil home qui est usurier publique, et preste à interestz magnifestement.
Le iij e cas est d’ung gentil home qui se rabaisse par mariage, et se marie à femme roturière et non noble.
Desquels troys cas, les deux premiers et principaulx ne sont point remissibles, aincovs leur doit-on garder au Tournoy toute rigueur de justice, se ils sont si foulx et si outrecuidez d’eulx y trouver, après ce que on le leur aura notillié, et bouté leur beaulme à terre.
Nota. 0'<e s’il vient aucun au Tournoy, qui ne soit point gentil homme de toutes scs lignes, et que de sa personne il soit vertueux, il ne sera point batu de nul pour la première fois, fors seullcmcnt des princes et grans seigneurs, lesquels, sans mal lui faire, se joueront à lui de leurs espées et masses , comme s’ils le voulsissent batre , et ce lui sera à tousioursmais atribué à ung grant honneur à luy fait par lesdits princes et grans seigneurs. Et sera signe que par sa grant bonté et vertu, il mérite doresenavant estre du Tournoy, sans ce que on lui puisse jamais en riens reprouver son lignaige en lieu d’onneur où il se trouve , tant oudit Tournoy que ailleurs; et là aussi pourra porter timbre nouvel, ou adjouster à ses armes comme il vouldra, pour le maintenir ou temps advenir pour lui et scs hoirs.
Laquelle pugnieion pour les deux cas plus griefs et principaulx dessus ditz, est telle que cy après s’ensuit.
C’est assavoir, que tous autres seigneurs, chevaliers et escuiersdu Tournov qui le tiennent, en tournoyant se doivent arrester sur lui, et tant le battre qu’ils lui facent dire qu’il donne son cheval; qui vault autant à dire en subtancc comme : je me rens. Et lorsqu’il aura donné son cheval, les autres tournoyeurs doivent faire conpper les sangles de la selle par leurs gens tant à pied que à cheval, et faire porter le mal- fa item- à tout sa selle, et le mettre à cheval sur les barres des lices, et là le faire garder en cest estât, tellement qu’il ne se puisse descendre, ne couler à bas jusqucs à la fin du Tournoy; et doibt estre donné son cheval aux trompettes et ménestrels.
La pugnicion de l'autre troisiesme cas, est que ceulx qui en sont convaincus doyevent estre bien batus, et tellement qu’ilz doyvent donner leurs chevaulx comme l’autre dessus-dit. Mais on ne leur doibt point coupper les sangles, ne les mettre à cheval sur les barres des lices , comme pour les autres deux premiers cas; aincois leur doibt-on oster les resnes de la bride de leurs chevaulx hors des mains et hors du col du cheval, et gectcr leurs masses et espées à terre; puis doivent estre baillez par la bride à ung bérault ou poursuivant, pour les mener à ung des corniers des lices, et illec les garder jusques à la fin du Tournoy comme prisonniers. Et s’ils s’en vouloient fouir ou esebapper hors des mains des héraulx ou poursuivons, après ce qu’ils y ont ainsi esté donnez, on les doibt batre de recliief et leur coupper les sangles, les mettant à cheval sur la lice , corne davaut est dit des premiers pour rengrège de pugnicion.
Le iiij° cas est d’ung gentil borne qui dit parolles de dames ou de damoiselles en chargeant leur honneur, sans cause ou raison à part. Et pour pugnicion d’iccllui, il doibt estre batu des autres chevaliers et escuiers tournoyans, tant et si longuement qu’il crie mercy aux dames à haulte voix, tellement que chascun l’oye, en promettant que jamais ne lui advindra d’en mesdire ou villainement parler.
Et pour revenir à nostre matière, quant le despartement et devis des
'VEV
SS i i i*» L
