TOME II

Car volentiers de tous beaux fais exquis Oyez parler et des grans entreprises,

Et je le sçay, car une fois enquis M avez du pas et des belles emprises Qui à Saumur furent si bien comprises De maintes gens de noblesse exercées,

Et en joustes vaillamment conversées Par la grâce du très hault Conditeur ;

Je, le tout vostre et en tout serviteur Loys de Beauvau (u) seneschal d’Anjou , Ung traittie fait par ung petit ditteur Vous envoyé , mais à peine sçay je où.

Car long-temps a que j’ay servi amours Et mes dames toutes en sa conduite Sans en faire grans plaintes ne clamours, Ne trop grand mal souffrir en la poursuite Et ma plaisance estoit à cela duite ,

Bien le savez, et aussi des effais Qui en ce cas par moy ont esté fais.

V ray est que par le très plaisant délit D’une fievre joyeuse au sault du lit,

Qui m’avoit bien et estroit empongnié ,

Une subite volonté me prit De quoy bien fus alors embesongnié.

Ainsi que joyeuseté d’esprit Les cuers gentilz sans ordonnance mainne, Et jà pour tant bon vouloir ne périt , Devers Ferri (m) monseigneur de Lorainne Tant fis que de plaisance souverainne,

Sans mal penser, sans soussi, sans esmay, Fimes crier au premier jour de may Desrain passé joustes à tous venans ,

Qui furent tant à pluseurs revenans ,

Qu’il en sourdi aucunes enviettes De deux gentilz escuiers avenans Qui puis firent des choses joliettes.

Ce jour de may en beaux harnois de guerre Nous joustames assez doucettement ;

Et de noz fais qui en voudrait enquerre ,

Icy n’en fais mencion autrement;

Mais au premier jour de juing vrayment ,

Puis aprez Pheiippe de Lenoncourt (iv) ,

Et Philebert de l’Aigue (v), brief et court, Firent crier le Pas de la Bergiere ,

Qui n’estoit pas chose moult estrangiere A regarder, qui Tarait avisée;

Mais douce estoit , moult plaisant et legiere , Quiconques l’eust en ce point devisée.

Ces deux firent les joustes publier De toutes pars en leur fait ensuyvant Et en tous lieux convenables crier Par Romarin, lequel en son vivant Et moult long-temps a esté poursuyvant De mon très redouté seigneur et maistre De Cecile le Roy, qui entremettre Bien se voulu des joustes regarder ,

Et de chascun les drois faire garder;

Car il y prit grant plaisance et déduit :

Vous le porrez bien véoir sans tarder Aulx chapitres dont la fourme s’ensuit.

On fait savoir à tous generaument,

Tant chevaliers comme escuiers gentils,

Qu’au premier jour de juing prochainnement

l'I ; F: il ;

ki! • I !•’

De tant qu’ilz sont en joustes ententis ,

A Tharascon, en ung lieu moult faitis ,

On trouvera pour jouster unes lices Appartenans à tieulx plaisans delices ,

Et à ung bout, chascun bien le verra,

Une gente pastourelle serra

Soubx ung arbre gardant ses brebiettes ,

Laquelle ara, car bien lui afferra,

Ses cbosettes propres et joliettes.

Deux escuz de jouste à l’arbre atachiez Seront : l’un blanc, signifiant léesse,

Qui ne sera d’autre couleur tachiez;

Et l’autre noir, signifiant tristesse.

Ces deux escuz là seront par noblesse De deux gentilz escuiers pastoureaux, Tendans ainsi que serviteurs loyaulx De la pastourelle grâce aquerir.

Qui plus avant en voudroit enquérir ,

Cellui du blanc est bien d’amours content,

Et l’autre mal ; si ne voise férir L’un des escuz qui le cas bien n’entent.

Quiconques vueille aux pastoureaux jouster , S’il est content d’amours et de sa dame A l’escu noir puet aler sans douter,

Comme cellui qui vray servant se clame ,

Et d’ung baston le touchier sans nul blâme. Le mal content doit l’escu blanc touchier .

Loysir ara de sa lance encochier,

Mais il n’ara plus tost faitte sa monstre ,

O’ung pastoureau ne lui viengne à l’encontre. Lequel plus tost ara trois lances routes Ara le pris, ainsi qu’il se demonstre

Es chapitres de ces présentes joustes

Se le pasteur a trois lances cassées Ains que cellui qui de dehors sera ,

Puis que seront par les juges passées ,

Et son plaisir est, il le mandera Par officier d’armes , tel qu’il voudra ,

A vint lieues à la ronde sans faille ,

Pour une verge d’or, comment qu’il aille, Porter à quelque dame ou damoiselle Qu’il lui dira; et se la chose est telle Que cellui de dehors gaigne le pris,

Là mesme puet baisier la pastourelle ,

S’il a de soy deshéaumer empris.

Cellui honneur d’elle ara-il de fait Devant chascun, puis ara d’elle encor Ung beau bouquet de fleurs gent et bien fait Passé par une gente verge d’or.

Là jousteront en beaux escuz de cor ,

Et se l’un des deux est getté par terre Cheval et tout , ou blessié ou en erre ,

Que par aucune aventure ou merveille Rompre ne puist trois lances ou ne vueille, La verge pert; il n’y a autre amende.

Mais qui cheval blesse , en vain se traveille : Le pris avoir aussi plus ne s’atende.

A cellui qui ses trois lances rompues De hors venu ara plus gentement,

Plus vaillamment et à mains de venues,

A l’ordonnance , au dit et jugement D’ung chevalier , d’ung roy d’arme ensement, Qui à déterminer ou maintenir

Aront des cas qui porront survenir,

Laditte pastourelle envoyera Jusques à vint lieues, où il sera,

Ung dyamant du pris de cent escus Ou au dessoubx, et là se portera Par ung herault ainsi qu’il est conclus.

En heaumes et en harnois de joustes Ainsi s’entent que chascun joustera;

Selles de guerre aussi sans nulles doutes, Roches courtois tieulx qu’on les trouvera.

Et d’autre part au besoing on porra Changier destriers à toute heure ou d’armure, Et des lances sur les rens la mesure Se trouvera ainsi totalement.

Trois jours le pas durera vrayement,

Au mains depuis une heure aprez myiour Jusques à six, et pour grant aysement Entre chascun des jours ung de séjour.

Contre les dis pastoureaux seulement Nul de dehors ne sera recéu Fors que une fois, afïin qu’aucunement En cellui cas nul ne soit decéu :

Et d’autre part aussi est prouvéu Que se pluseurs , ainsi que bon leur semble , L’un des escuz voysent touchier ensemble , Les pastoureaux n’en doyvent recevoir Qu’ung à la fois. Il est bon à savoir Qu’en ung tel cas se doit ajouster ordre Qui premier vient, premier lieu doit avoir, A celle fin qu’il n’y ait que remordre.

Cy ne remaint de la propre sustance

A escripre des chapitres du pas,

Les quieulx en ung gent tableau sans doutance Furent escrips sur les rens par compas;

Et qui les fit, certes n’oublia pas A y faire poser la propre hystoire Bien pourtraitte pour estre plus notoire.

Mais cy aprcz doit ensuir l’entrée En la fourme quelle fu demonstrée ,

Et faitte aussi à venir sur les rens L’escripture par les juges monstrée Et mon avis sont assez conferens.

Quant vint le jour et l’eure competent,

Qui droitement à midy devoit estre,

Et que chascun estoit prest et content A qui venoit l’entrée à effet mettre,

Là mieulx faisoit qui mieulx savoit son estre Certainnement à ce pas asseoir.

Qui là estoit premier povoit véoir

Les menestriers en très belle ordonnance,

Les trompettes faisans grant résonance ,

Et des heraulx ccrtainne quantité,

Par maniéré telle que sans doutance A peinne icy puet estre recité.

Et puis aloit ung gentil poursuyvant Aussi de sa coste d’arme vestus ,

Qui d’ assez prez les aloit ensuyvant,

Portant des deux pastoureaux les escus.

Dieu scet comment aprez eulx le surplus Devoit aler en ordonnance belle :

Là véissiez venir la pastourelle,

Le chevalier premier juge à sa dextre ,

Le roy d’armes d’autre part à senestre ,

Qui devoyent des querelles jugier ;

Et les brebis aloyent à séquestre Pour non elle trop forment eslongier.

Tout homme estoit à cheval bien monté , Exceptez deux conduisans les brebis,

Et tout par ordre ainsi que j’ay conté.

Qui mieulx povoit estre paré d’abis ,

A son povoir il faisoit ses débis.

La bergiere chevauchoit haquenée Moult noblement de harnois aomée D’ung fin drap d’or figuré cramoysi,

Et à cheval estoit menée ainsi

Par la bride de deux gens jouvenceaux

Âlans à pié, gentils hommes aussi.

Bien desguisez en habis pastoureaulx.

Aprez furent les deux pastours joustcurs Sur deux destriers de houssure couvers, Qui, à grant peinne, à bergiers ne pasteurs Eussent semblé pour leurs abis divers.

Des heaumes estoyent descouvers,

Et leurs escuz leur portoit-on sans doute ; Mais de harnois ne d’armure de jouste Ne leur failloit une petite piece.

De ce véoir n’eust esté las à piece Qui là estoit , et puis la multitude Des serviteurs qui n’aloit pas à pié , se Aucun avoit à bien servir s’estude.

Quant par ordre là vindrent sur les rens, Chascun savoit quelle part devoit traire ,

Car leurs manoirs estoyent differens :

Là véissiez les deux pasteurs retraire ,

Et leurs servans aveques eulx attraire Auprez du parc en ung joli retrait,

Et pour eulx inieulx ordonner et atrait ,

La bergiere son propre lieu avoit Si gracieux que homme faire savoit , D’arbres, de fleurs et de gente verdure Si hautement paré qu’estre devoit ;

Et là se mit attendant l’aventure.

Le poursuyvant les deux escuz pendi A ung arbre prez de la pastourelle ,

Et là tousiours en ce point attendi Sans soy mouvoir de l’uis de sa tourelle, Pour referir aux pastours la nouvelle Des survenans qui là venir devoyent,- Mais assez temps outre mesure avoyent De ces jousteurs estrangiers tant attendre :

Si voulurent à celle heure contendre Tous ces heraulx, menestriers et trompettes, De les avoir l’un aprez l’autre , et tendre A les bouter plus tost des rens es metes.

La bergiere portoit ung vestement Qui bien estoit à son corps mesuré,

Et au costé lassié moult gentement :

Et si estoit de damas figuré

Ung très beau gris , non pas trop obscuré ,

Très bien fourré et bordé à l’entour

De menu vair; mais point n’avoit d’atour,

Fors ung gentil chapperon de bourgoise

De rosée, qui bien, comment qu’il voise,

Lui afferoit au gré de mainte gent.

Et sa holette environ d’une toise ,

Dont la ferrure estoit de fin argent.

Son barrillet d’argent avoit aussi A son costé pour moullier sa bouchette ;

Sa pennetiere elle portoit ainsi Que les autres, qui moult estoit doucette :

Moult bien sembloit une gente tousette A regarder sa maniéré et son port,

Dont puis on fit maint gracieux raport La houssure des pastours dessus dis N’estoit autre fors seulement de gris, Brodée d’or; barrilles et holettes Y furent bien doucettement compris,

. Panetières, fusils, fleutes, musettes.

Et par les bors estoyent frapes grises, Couleur de pourpre avoyent leurs plumaux D’austrusse bien fais à leurs belles guises, Assis sur leurs heaumes longs et haulx,

Et sans doutance ils estoyent moult beaux.

Outre cela y avoit d’abondance Ung bel et grant couvrechief de plaisance Sur la crupe de leur detriers pendant.

Ainsi estoit l’un tousiours attendant.

L’un l’escu blanc avoit, l’autre le noir;

Et au premier encontre eulx contedant , L’un ou l’autre sailloit de son manoir.

Car le premier jour de juing vrayement Fu le propre jour de la Penthecouste,

Et car il plut aussi tant largement.

Et chascun scet que telle chose couste ;

Ce mesme jour ne commença la jouste ,

On avisa sur ce point volentiers,

Que l’entrée commenceroit au tiers;

Le jour donques fu remis au mardi ,

L’entrée aussi à l’eure de midi Des pastoureaux et de la pastourelle.

Ainsi fina , pour vérité le di ,

Au dimenche tant pour eulx que pour elle.

Tuit environ une heure aprez myiour,

Qu’il en devoit ung venir pour jouster A l’un des deux pastoureaux sans séjour,

Et commencier combien qu’il deust couster Si vint ferir l’escu blanc sans douter Ung escuier en très belle ordonnance.

Ce fu Pierre Carrion (vi) sans doutance, Lequel estoit sur ung grison destrier ,

A bien courir assez gent et outrier.

Ung tour ou deux la lice avironna,

La lance ou poing et le pié en l’estrier :

Quant vint à point à cop se retourna.

Mais touteffois rouge estoit sa hôussure , Aussi par tout de lettres d’or semée,

Et de perles bordée par mesure,

Et non obstant quelle fust grant et lée De linomple partout couvercelée;

Ung get avoit de menu vair autour,

Et son escu en ce pareil atour.

Sur son heaume ung atour gracieux A couvrechiez moult grans et spacieux Que seult porter damoyselle à la court;

Et contre lui vint comme curieux Le pastour Phelippe de Lenoncourt.

Cellui pastour ung destrier bay avoit Dont sur les rens tantost fit un empainte , Et contre lui vint ainsi qu’il devoit.

Ilz croyzerent de la première attainte Leurs deux lances. La seconde sans fainte Les rompirent tous deux notablement,

L’un en l’escu, l’autre pareillement;

Et à la tierce aussi tout fu rompu,

Mais Carrion la rompit en l’escu,

Au heaume le pastour hautement,

Lequel ne fu à la quarte ofïendu ,

Âinçois rompit sa lance fermement.

Tantost aprez Loys de Monberon (vu)

Sur ung destrier bay vint sans remanoir.

Bien gentement ferant de l’esperon Pour plus appert ferir à l’escu noir.

Trop longuement ne lit là son manoir.

Parti avoit, comme il lui avoit pieu,

Housse et escu de tenné et de bleu ,

Et des dessusdittes couleurs portoit Ung gent plumai! lequel d’austrusse estoit,

A tout ung beau couvrechief de plaisance Derrier pendant; et bien se comportoit En son hamois et à toute puissance.

Contre lui vint pour l’escu noir deffendre Philebert de l’Aigue, l’un des pastours,

Sur ung destrier bay , lequel sans attendre Ses deux lances lui rompit à deux cours Dedens l’escu , et n’ot onques recours A ces deux cours Monberon de touchier Le pastoureau fors d’ung cop qu’il tint chier. La tierce fois il rompit bien sa lance Hault en l’escu, combien qu’à nonchalance A cellui cop ne le mit le bergier :

Car sans doute si grandement s’avance

Qu’au bas la tierce il rompit de legier.

Aprez vint ung autre jeune escuier,

Lequel Couraze (vin) avoit nom vrayement, Sur ung destrier noir, auquel ennuyer Jamais n’eust peu la feste nullement.

A l’escu noir il toucha gayement.

Son escu noir estoit et sa housseure ,

Et sa houppe de plumes au desseure Du heaume , qui bien estoit grossette.

Philebert vit qu’il estoit de recepte,

Mais non pour tant ne l’a voit-il gaignié.

Se la jouste fu entre eulx bien doucette , L’un de l’autre ne fu riens espargnié.

Couraze fu de la première course Au heaume hurté moult lourdement,

Et ne fu point le pastour féru ; pour ce N’y ot lance rompue aucunement.

Au second cop Couraze vrayement Du gardebras le pastour desarma,

Riens n’y rompit fors ce qu’il defferma, Aussi n’y fu Couraze alors touchié.

A la tierce l’un et l’autre esmouchié Fu si très bien que leurs lances rompirent En leurs escuz; qui fu le mieulx torchié, Nul ne le scet fors que ceulx qui le virent.

A la quarte trop bien rompit Couraze En l’escu sa lance; comment qu’il soit Par le rochet ne valut une fraze;

Du pastoureau le cop bien se disoit.

A la quinte chascun bien avisoit Qu’il rompirent es escuz vaillamment

Leurs deux lances; et Couraze ensement Adonques fu joyeux comment qu’il aille.

Et tantost vint Philebert de la Jaille (ix) , Ung escuier pensant grâce aquerir,

Sur ung destrier roan monté sans faille Pour l’escu blanc joyeusement ferir.

De menu vair fu sa houssure toute,

Et son escu tout couvert en estoit;

Sur son heaume une houppe sans doute Blanche de plumes d’austrusse portoit.

Outre cela bien le representoit

Ung bel et grant couvrechief de plaisance

Qui deriere lui pendoit d’abondance.

De l’escu blanc touchier fit son devoir ,

Et puis se voult encontre lui mouvoir,

Et vint de fait le pastour Lenoncourt Pour en avoir qui en porroit avoir,

Car entre eulx deux ce fu fait brief et court.

Hz rompirent leurs deux lances très bien En leurs escuz de première venue;

Au second cop le pastour n’y fit rien ,

De la Jaille fu la lance tenue Dedens l’escu du pastour bien rompue :

La tierce aussi en l’escu hautement Pour cellui jour fu l’acomplissement.

La bergiere fu ainsi retournée En son logis quelle estoit atournée ,

Et aussi bien en pareille ordonnance;

Et en ce point se passa la journée En grant plaisir et très grant alegrance.

Le jeudi vint après, se Dieu me gart,

Ung escuier nommé Guillaume d’Yve,

Et autrement appelle Willemart,

Sur ung destrier roan qui point n’estrive A l’esperon quant à la lice arive :

Houssure blanche estoit lors son usage,

Où d’un arbre fu semé le foeillage;

Rouges lettres, autres blanches petites,

A son plaisir et son vouloir eslites;

A son heaume ung couvrechief pendant Par deriere : et sur les choses dittes A l’escu blanc il estoit contendant.

Contre lui vint le pastour Philebert :

Si rompirent tost leurs lances tous deux En leurs escuz ; encor aussi apert Le second cop fu en ce point fait d’eux.

Au tiers cop fit Willemart entredeux D’une croyzée, et Philebert sa lance Rompit alors. Adonques je m’avance Aprez cela pour ferir l’escu noir,

Car de gagnier ou de là remanoir Sans doute estoit toute m’entencion ;

Si n’y fis pas longuement mon manoir , Tant y alay de grant affection.

Je fus monté d’ung gentil destrier bay ,

Et bien armé aussi, je vous asseure;

Tout mon harnois estoit rouge pour vray, Lances, escu, et heaume et housseure;

Et d’austrusse grant plumail au desseure Tout rouge estoit ; et deriere mon chief Pendoit ung bel et grant blanc couvrechief De plaisance qui bien son lieu tenoit,

Et mon escu en escript contenoit

En lettres d’or ung mot que je compris -, Car à mon fait assez bien revenoit,

Et c’estoit : Les plus rouges y sont pris.

A trois lances trois rouges estendars De taffetas pour vérité avoye,

Qui grans furent et longs de toutes pars, Pensant toudis que bien à faire aroye.

Vint contre moy Philebert, droitte voye, Et rompimes noz lances fermement Au premier cop au plus hault vrayement De noz escuz. Au second sans esmay Du gardebras tantost le desarmay Notablement et de son gagnepain,

Sans rompre lance ; à lui tant me fermay Qu’il ne fit riens, et fu son cop en vain.

Et au tiers cop le pastour sans doutance Rompit sa lance au hault de mon escu.

Je n’y fis riens, car je croyzay ma lance.

Et ne valu lors mon cop ung festu.

Au quatrime fu de moy envestu Si fermement que ma lance rompis,

Et la sienne n’en valut onques pis;

Et puis au quint la fis si bien branler Que je la fis en deux pièces voler,

Et la sienne croyza sans moy touchier.

Verge et bouquet gagnay à brief parler, Et ung baisier lequel je tins moult chier.

S’aucun de soy ne se doit nullement Ne de ses fais grant loenge donner,

Et je parle de moy trop hautement,

U m’est avis qu’il m’est de pardonner .

La vérité ne doy abandonner Pour escripre ne bourde ne mensonge.

Qui que le tiengne ou à fable ou à songe,

Icy n’a riens, je n’en fais point de doute,

De cellui pas que la vérité toute ,

Quelque chose que de moy je refiere •

Vous savez bien que partout je me boute Comme une truye en une cbeneviere.

Et aprez moy vint Tanguy du Chastel (x) ,

Ung escuier d’ung joyeux esperit ,

Monté sur ung gent grison bon et bel ,

Qui proprement tout son fait entreprit.

Sa houssure de noir et tenné prit,

De lettres d’or par mesure semée,

Une gente damoiselle nommée La dame de Cabanes (xi) vrayement.

Deriere lui portoit moult gayement Sur son heaume atour de damoiselle.

Et ung .1. d’or couronné gentement A couvrechief par maniéré moult belle.

Sur le chamfrain de son destrier portoit D’austrusse aussi trois plumes : l’une noire ,

L’autre bleue, et puis la tierce estoit De couleur d’or. A lui, c’est chose voire,

Vint Lenoncourt dont devant est mémoire.

Leurs deux lances de la première attainte En leurs escuz bien rompirent sans fainte :

Le second cop ne le tiers Lenoncourt Point ne failli , à parler brief et court.

Ainsi rompi à trois cops ses trois lances;

Mais aprez vint l’un des chiefs de la court ,

Qui adonques lit bien de ses plaisances.