EXTRAICT DES REGISTRES DE PARLEMENT

La court apres avoir veu la requeste à elle presentée par Catherine l’heritier, veufve de feu Maurice de la porte, libraire à Paris : a permis & permect à ladicte lheritier de imprimer ou faire imprimer & exposer en vente un Livre intitulé, Livret de Folastries à Janot Parisien. Defendant à tous autres libraires & imprimeurs de ce ressort de iceluy livret imprimer ou vendre sans l’adveu & consentement de ladicte suppliante dedans le temps de quatre ans, à conter du jour que ledit livre sera parachevé d'imprimer. Sur peine de confiscation des livres qui autrement seroient imprimez, & d'amende arbitraire. Fait en Parlement le dixneuñesme jour d'Avril L'an mil cinq cens cinquante trois apres Pasques.

Signé De sainct Germain.