LIVRE Il, ODE VIll

Il me semble que je te voi [82 ve] Murmurer des charmes sur moi:

Tant que d’effroi le poil me dresse,

Puis mon chef tx vas relavant

D'une eau puisée bien avant

Dedans la mare de tristesse.

Que veus-tu plus, di, que veus-tu ?, Ne m'as-tu pas assés batu,

Veus-tu qu’en cest age je meure, Me veus-tu bruler, foudroier,

Et tellement me poudroier,

Qu’un seul osset ne me demeure ?

Je suis apresté si tu veus

De te sacrifier cent beus

Affin de ravaler ton ire,

Ou si tu veus avec les dieus

Je t'envoirai là haut aus cieus Par le son menteur de ma Lire.

Les freres d’Heleine fachés Pour les iambes delachés