CHAPITRE IX

LES SIGNES D£ LA CHOLERE Aussi les signes de la cholere sont, que la couleur de la partie sera trouuée blaffarde , auec grande chaleur ignée et peu de tumeur, douleur poignan(e et extremement aiguë : et le malade sent plustost chaleur que distension et pesanteur : et combien que la partie apparoisse rouge, toutesfois elle tend plus à citrinité, c'est à dire couleur iaunastre, qu’à la couleur sanguine : et si elle est pressée du doigt, le sang cholerique (à cause qu'il est fort subtil) fuit facilement, puis subit retourne, et reuient plus rougeastre qu’auparauant. Car deuant qu'on comprimast la partie, l’humeur plus vicieux et flaue occupoit

; la superficie du cuir, et par la com-

pression du doigt, le sang qui estoit caché sous le cuir fait monstre et parade de soy, iusques à ce que l'effet de la compression cesse, l'humeur bilieux retourne en son premier lieu t:

dont iceluy apparoist plus blaffard qu’en vn phlegmon fait de sang pur, comme nous auons dit : ioint que la partie est plus aidée par medicamens refrigerans et humectatifs , que par ceux qui eschauffent et seichent.

Le patient a le pouls fort viste et frequent, et est de tempérament cholerique. Aussi la douleur sera trouuée plus grande sur le midy, iusques à quatre heures du iour, qu’à autres heures, parce que la cholere se meut en tel temps. D’auantage les patiens ont des exacerbations, c'est à dire renouuellemens de douleur, de trois iours en trois iours, comme on voit aux fiéures tierces. Aussi la chaleur du temps donneindice, comme l’esté.

Outre-plus la qualité des viandes est à considerer, comme si le malade a vsé de viandes qui multiplient et engéndrent la cholere. Ses vrines seront trouuées fort subtiles et de couleur citrine, et quelquesfois tellementacres, qu’elles offensent le conduit vrinal.