Picis nigræ 3. iij

Terebenthinæ Venetæ 3. iij.

Sulphu. viui subtiliter puluerisati sl Euphorbij et pyrethri ana 3. S.

Empla. oxycrocei 3. iij.

Olei quant. suf.

Liquefiant simul, et fiat emplastrum, extendatur super alutam.

Et soit laissée l'espace de deux ou trois iours, si le malade sent allegement de sa douleur : sinon soit osté comme dessus est dit.

Pour ceste mesmeintention, on peut appliquer sur la douleur des orties griesches, puis lauer le lieu d’eau sallée : pareïllement la fiente de pigeons boullue assez longuement en vinaigre, duquel en soit fomentée la partie. Aussi le vesicatoire fait de leuain bien aigre, cantharides, staphisagre, et vn peu d’eau de vie, est souuerain remede pour vacuer la matiere coniointe. Car par tels vesicatoires sort vne certaine serositéet virulence, laquelle estant hors, s'ensuit allegeance des douleurs. Or il ne se faut esmérueiller si ces remedes acres, corrosifs et vesicatifs, donnent allegeance, et appaisent les douleurs causées de matiere froide et pituiteuse, non plus que les bains froids et humides à bonne et iuste raison profitent aux douleurs composées d'humeurs chauds et acres, pour ce qu’ils humectent et refroidissent. Car il y a des douleurs arthritiques qui ne peuuent jamais estre appaisées que par remedes plus grands que n’est l’intemperature : partant lesdits vesicatoires ne doiuent estre deiettés, veu que les anciens ont commandé le fer

chaud et ardent, comme nous dirons cy aprés.

Christofle l’'André, en son Oecoïatrie, recommande la fiente de bœuf ou de vache, enueloppée de fueilles de choux ou de vigne, posée sus les

cendres, et puis chaude appliquée sus la douleur fi.