CHAPITRE XXVI
DES VENTOSITÉS OVI LE PLVS SOVVENT SONT TROVVÉES AVEC LES GOVTES, ET DE LEVRS REMEDES.
Parmy les humeurs accompagnés du virus qui fait la goute , souuentesfois est trouuée grande quantité de ventosités, principalement és grandes iointures , comme à la hanche et aux genoüils, qui font quelquesfois sortir les os de leur propre lieu. Et sont conneus estre en la partie, en ce que le malade sent grande douleur tensiue , sans pesanteur : et lors qu’on presse dessus du doigt ,il n’y demeure point de cauité, comme aux œdemes :
mais l'esprit flatueux repousse et se releue en haut , comme qui presseroit yne balle remplie de vent : ioint aussi que la partie ne peut faire son action, à cause que les vents remplissent les espaces vuides et empeschent le mouvement de se pouuoir faire. Or aucuns ieupes Chirurgiens mettansleurs doigts dessus, en esleuant l’vn et pressant l’autre, sentent la ventosité s'esleuer entre leurs doigts, comme vne inondation de pus ja fait en vne aposteme , et y ayant fait ouuerture, icelle faite n’ont apperceu sortir aucune matiere : et partant ont esté deceus, et causes de grands accidens, comme augmentation de douleur et fluxion d’humeurs, qui ont fait desboëtter les os hors de leurs iointures, et les inalades sont demeurés à iamais claudicans. Et pour ces causes, ie conseille aux gouteux, en tel cas,
2/9 d’appeller pour leur aide des Chirurgiens experimentés.
On voit peu souuent telles ventosités sans qu’elles soient accompagnées de quelque humeur pituiteux , lequel n’est trop cru ny visqueux. D’auantage ces ventosités demeurent longuement sans pouuoir estre resolues, à cause de l’intemperature froide que fait la matiere venteuse, et des membranes et ligamens qui lient les iointures, lesquelles sont denses et dures, et par consequent leurs pores sont serrés, de façon qu'à grande difficulté les matieres ne se peuuent euaporer ny sortir hors.
Or pour la curalion, il conuient pour consumer les ventosités vser de fomentations resolutiues, carminatiues, discutiues et dessiccatiues : ausquelles auront boüilli fenoüil, anis, rue, camomille, melilot, sauge, rosmarin, Origan, calamenthe, marrubium , et leurs semblables, cuittes auec vin et lexiue, et vn peu de vinaigre rosat et du sel commun. Et aprés la fomentation on appliquera ce liniment qui s'ensuit :
