CHAPITRE XV

LA CAVSE POVROVOY LES CHIENS DE- VIENNENT PLVSTOST ENRAGÉS QVE LES AVTRES BESTES !,

Cela aduient parce que de leur nature ils sont preparés et enclins à telle disposition : et pource aussi qu'ils mangent quelquesfois corps morts charongneux, et autres choses pourries et pleines de vers, et boiuent des eaux de semblable nature : aussi par vne trop grande melancholie d’auoir perdu leur maistre, dont courent çà et là pour le trouuer, delaissans le manger et boire : dequoy s'ensuit ebullition de leur sang, qui puis aprés se tourne en melancholie, et puis en rage. D'auantage pour deux autres causes contraires : la premiére par la trop grande chaleur, la seconde par. lextreme froidure :

comme l’on voit que le plus souuent ils enragent és iours caniculaires, et en byuer durant les grandes gelées.

Ce qui aduient, parce que les chiens sont de leur nature froids ei secs?, et

1 Reproduction du chap. 5 de 1575.

2 Galien, cha. 20. li. 2. simpl: et cha. 11.

liu. 3. simpl, semble estre d'opinion contraire touchant le temperament des chiens, id est, il dit qu'il est chaud et sec. —A. P. Cette note est de 1585.

DES VENINS

par consequent ils ont beaucoup d’'humeurs melancholiques, lesquels en telles saisons chaleureuses se tournent aisément en humeurs atrabilaires par adustion : comme en hyuer par constipation de cuir et suppression d’excremens fuligineux, qui leur causent vne fiéure continue grandement ardente, et vne phrenesie et rage. Le grand froid de l’air augmente sembiablement leur chaleur du dedans, laquelle estant repoussée, s’augmente et allume les humeurs preparés à telle rage et pourriture :

lesquels sont d'autant plus dangereux, que ne pouuans sortir et euacuer par les pores ou pertuis du cuir (qui pour lors sont du tout fermés) ils demeurent dedans, et font alors les mesmes accidens que fait la grande chaleur de l’esté. Aussi deuiennent enragés pour vser de viandes trop chaudes qui leur eschauffent le sang, et leur causent fiéure, puis la rage :

semblablement aussi pour auoir esté mords d’autres chiens, ou loups, ou autres animaux enragés.