Auripigmenti rubri 3. j

Calcis viuæ, aluminis vsti, corticum granatorum ana 5. yj.

Thuris, gallarum ana 3. iij.

Ceræ et olei quantum suffcit,

Fiat vnguenlum.

Cestuy onguent est fort detersif, et consomme la chair pourrie, et desseiche humidité virulente, qui est mere nourrice de pourriture gangreneuse. Pareillement en lieu de cestuy on vsera de l’egyptiac fortifié, lequel aussi corrige la chair pourrie , et consomme celle qui croist par trop: d’auantage obtond et esteint l'humeur virulent qui est en là partie, qui cause souuentesfois tres-grande douleur, et est excellent par dessus tous

autres remedes pour tel effet : d’au-

tant qu’en sa composition n’entrent.

huile ny cire, lesquelles choses rompent la force et acrimonie des medicamens acres, qui sont propres à tels vleeres. Ces medicamens detersifs se-

ront diminués ou augmentés de leur |

force, selon qu’on verra l’vlcere estre sordide et putride, et selon la nature du temperament de tout le corps et de la partie.

Et faut tenir l’vlcere ouuert le plus longuement qu’on pourra: car on a veu aucuns desquels la bosse et les charbons, ayans ietté beaucoup de matiere, sembloient estre du tout gueris, et bien tost aprés ils mouroient: et partant on tiendra lvlcere long temps ouuert, et confortera continuellement le cœur : aussi on donnera au malade par fois quelque petite medecine, à fin de purger et rectifier les humeursmauuaises, pourries et veneneuses.