JUL

MEDICAMENS.

Qx = ot

Onguents.

Vnguentum diapompholygos, vnguentum album Rhasis, desiccatiuum rubrum.

ÆEmplastres.

Emplastrum de cerusa, de betonica, diachalciteos, emplastrum nigrum.

Nous vsons des epulotiques quand l’vlcere est presque plein, et quasi egal à la peau. Mais en l’vsage d'iceux faut auoir esgard au corps mol ou dur. Car les medicamens qui sont catheretiques aux corps delicats ct mollets, aux durs sont cicatrisatifs Faut aussi se donner garde que le corps ne soit plethorique, ou cacochyme : car cela retarde la cicatrice D’auantage, faut aduiser que l’vlcere prest à cicatriser ne soit entretenu, ou du vice de quelque partie, comme du foye, de la ratte, des poulmons, ou autres : ou d’vne varice : car tel vlcere ne se pourra cicatriser , si les causes qui empeschent la cicatrice ne sont premierement ostées. Finablement les bords calleux en vn vlcere retardent la cicatrice , s'ils ne se sonf amollis ou coupés. Ces empeschemens faut oster auant qu’entreprendre faire cicatrice , et accommoder medicament desiceatif tel, qu'il ne face cicatrice caue, car il excederoit la mesure : ni trop haute , car il seroit trop peu desseichant, ains egale : parquoy sera bien proportionné tant au corps qu’à la partie.