CHAPITRE XXXVI
DES APOPHLEGMATISMES , OV MASTICATOIRES.
Apophlegmatismes selon les Grecs, ou masticatoires selon les Latins, sont medicamens lesquels, estant tournés dedans la bouche et maschés quelque espace de temps, tirent par le palais les excremens pituiteux, ou autres humeurs nuisans au cerueau.
Iceux sont faits en quatre manieres. La premiere est, quand on incorpore les medicamens propres à mascher. auec miel ou cire, et en fait-on trochisques ou pillules , lesquelles on donne à mascher. La se-
DES conde est, quand on couure et lie les medicamens en vn petit sachet de sandal ou autre linge deslié, pour les mascher. La troisiéme maniere est, quand on tient la decoction de medicamens acres long temps en la bouche. Aucunesfois l’on ne mesle point les masticatoires, ains prend-on vn simple medicament acre et faisant cracher , à la grosseur d’vne petite noix, pour le mascher et tourner par la bouche, comme mastic, pyrethre.
La matiere des. masticatoires est prise des medicamens acres, comme de poyure, moustarde, hyssope, gingembre, pyrethre, et autres medicamens ayans acrimonie : entre lesquels il faut choisir ceux principalement qui n'auront aucune saueur ny goust malplaisant, à fin que plus longuement et sans dedain ils puissent estre tenus en la bouche. Toutesfois on en fait des medicamens acerbes, comme de fruit de berberis, raisins, noyaux de prunes ou cerises : lesquels estans tournés quelque temps en la bouche et comme maschés, ne tirent gueres moindre quantité de pituite que les medicamens acres: ce qui semble aduenir plusiost à raison du mouuement et agitation qui est faite en la bouche, que d’vne qualité manifeste.
La quantité desdits medicamens est communément d’vne demie once, iusques à vne once, ou vne once et demie. Ce que connoistras par les exemples suiuantes.
