DES GARGARISMES
Gargarisme est vne liqueur appropriée au lauement de la bouche et de toutes les parties d’icelle, tant pour empescher fluxion et inflammation, que pour curer vlceres de la bouche et appaiser douleurs.
Les gargarismes sont composés en deux manieres. La premiere est, quand on fait cuire racines, fueilles, fleurs , fruits, et semences seruans à nostre intention. La decoction est faite en eau seule, ou eau et vin blanc, ou en gros vin rouge et stiptique, ou en ptisane , ou laict clair, ou decoction d'orge, ou decoction pectorale : le tout selon la diuersité de nostre intention, qui est ou de repousser, rafraischir, et empescher l'inflammation , comme en mal de dents qui se fait : ou de digerer, comme en mal de dents qui est ja fait : ou de mondifier, comme en vlceres de bouche : ou de seicher et astreindre, comme quand il est question de fermer iceux vlceres ja parauant monigfiés. L’autre maniere de composer xirgarismes est sans decoction, quand byus faisons gargarismes, ou auec les eaux distiliées seulement, ou meslées auec syrops, ou auec mucilage, ou auec du laict de vache, ou laict clair de chéure, bien passé et coulé. Aucunesfois on mesle, tant auec la decoction que les eaux et mucilages, miel rosat, oxymelsimple, dianucum, diamoron , hiera picra, oxysacchara, syrop de roses seiches,
LE VINGT-CINQVIÉME LIVRE
syrop aceteux, et autres syrops selon nos intentions susdites : alum, balaustes, myrrhe, thus, gingembre, poyure, canelle, roses seiches, et autres : iusques là mesme, que quelquesfois en la decoction des gargarismes, nous y faisons entrer medicamens propres à attirer les humeurs du cerueau , comme le pyrethre , le carthame, la racine de turbith, et autres, propres à tirer la pituite, moyennant qu'ils n'ayent aucune amertume en s0y : qui est cause que ny l’agaric, ny la colocynthe , n’ont lieu en ceste composilion.
La quantité de la totale liqueur d’vn gargarisme doit estre comme de demie liure iusques à vne liure : on y met des syrops, ou autre telle composition , iusques à deux onces. Les poudres sont mises en bien petite quantité , comme iusques à trois drachmes : d’alum on y met iusques à six drachmes : les mucilages faits de deux drachmes des semences mucilagineuses. Les exemples feront le tout assez clair et facile.
Gargarisme astingent et repercussif.
2%. Plantaginis, polygoni , oxalidis ana m. j. Rosarum rubrarum p. $.
Hordei p. j.
Fiat decoctio ad 3. viij. in qua dissolue :
Syrupi myrtillorum 5. vj.
Dianucum 3. .
Fiat gargarisma.
Gargarisme anodyn.
2%. Chamæmeli, meliloti, anethi ana p.j.
Rosarum rubrarum p. $.
Passularum mundatarum et ficuum ana paria üij.
Decoquantur in æquis partibus vini albi et aquæ ad 3. vj. addendo mucilaginis seminis lini et fænugræci ana 3. ij.
Fiat gargarisma.
Gargarisme mondificatif.
