VERS MIS SOVS LA FIGVRE DE CE GRAND HIPPOCRATES

Tel fut d'Hippocrates le port et le visage :

De quel sçauoir il fut, de quelle nation, Comme il se comporta en sa profession,

Les liures qu'il a faits en donnent tesmoignage.

Ce n’est rien que de voir d’Hippocrates l’image, Il faut voir ses escrits, les lire et contempler, Conferer auec ceux qui en peuuent parler,

A fin de les entendre, et les mettre en vsage.

Galien, au premier commentaire du liure d’Hippocrates De l'officine du Medecin, dit, que ledit Hippocrates a escrit aucunes fois si obscurément, que pour l’interpreter il requeroit plustost vne deuination qu’vne science.