VOYAGE DE BAYONNE

Or ie dis encore d’auantage, que Pay fait le voyage auec le Roy à Bayonne, où nous auons esté deux ans et plus à circuir presque tout ce royaume : où en plusieurs villes et villages ray esté appellé en consultalion de diuerses maladies , auec defunct monsieur Chapelain, premier Medecin du Roy, et monsieur Castellan, premier de la Royne mere, hommes d'honneur et tres-sçauans en la Medecine et Chirurgie. Faisant ce voyage ,ie me suis tousiours enquis aux Chirurgiens, s'ils auoient remarqué quelque chose rare en leurs pratiques, à fin d'apprendre quelque chose de nouueau.

Estant à Bayonne, il aduint deux choses de remarque pour les ieunes Chirurgiens.

La premiere, c’est que je pensay vn gentil-homme Espagnol, lequel auoit vne aposteme grandeetenorme à la gorge. Il vint pour se faire toucher au defunct Roy Charles, des escrouëlles. le fis ouuerture de son aposteme, où il se trouua grande quantité de vers tous groüilans, gros comme la pointe d’vn fuzeau, ayans la teste noire: et auoit grande quantilé de chair pourrie. D’auantage, auoit sous la langue vne aposteme nommée Ranula, qui l'empeschoit à

proferer sa parole ; ét à mascher et aualler ses viandes. Il me pria à iointes mains la luy ouurir, s’il se pouuoit faire sans peril de sa personne : ce que ie fis promptement ; et trouuaÿ sous ma lancette vn corps solide, qui estoient cinq pierres semblables à celles qu’on tire de la vessie:

La plus grosse pouuoit estre d'yne petite amande, et les autres comme petites féues longuettes, qui estoient en nombre de cinq. En ceeste aposteme esloit contenu vn humeur glaireux, de couleur iaunastre, en quantité plus qu’il ne pourroit entrer en quatre cuilliers d'argent. Ie le laissay entre les mains d'vn Chirurgien de la ville , pour paracheuer d’estre guari.

Monsieur de Fontaine, Cheualier de lPordre du Roy, eut vne grande