NE

ET DE L'EXCELLENCE DE L'HOMME. 739

bat des ailes, c'est signe de vent et de tempeste. Quand les poulles et autres oiseaux domestiques se battent des ailes, sautent en chantant, c’estsignede pluyeet de grands vents, Quand les oyes, canes et canars, sc baignent volontiers, et s’espluchent, et dressent leurs plumes auec le bec, et ensemble jargonnent, c’est signe de pluye. Si les irondelles volent si prés de l’eau et de la terre qu'elles frappent contre, cela denote que tost il pleuura : aussi quand elles volent hauten l'air en s’esbattant, cherchans les mousches, cela signifie beau temps. Le petit roytelet , se resioüyssant plus que de coustume, sautelant et plaisamment chantant, denote la pluye aduenir. Lors que la pye crie et se tempeste prés des hayes ou buissons, demonstre qu’elle voit le loup, ou renard, ou quelque serpent, Si le coq chante incontinent aprés le soleil couchant (comme l’on dit entre chien et loup) outre sa coustume, et que sa voix soit enroüée, c’est signe

de pluye. Si les mousches et puces

mordent et piquent, et aiguillonnent plus que de coustume, c’est signe de pluye. Quand le heron vole fort baut, il denote beau temps, et sil vole prés de l’eau en criant, il presage de la pluye. Lors que les pigeons se retirent au soir en leurs colombiers plus tard que de coustume, c'est presage de vent et pluye. Les milans fuyent l'air infect et pestilent, et le quittent, de sorte qu’il n’y a rien si certain qui monstre la serenité et bon air, que les lieux où les milans habitent. Pareillement autres oiseaux laissent leurs œufs et leurs petits, et s'enfuyent.

Quand les chauue-souris volent au vespre, plustost que de coustume, et en plus grand nombre, c’est signe

de chaleur et de beau temps pour le iour suiuant.

Le crocodile fait ses œufs iustement à la hauteur que la riuiere du Nil doit desborder et couurir la terre , de façon que le paysan qui premier les treuue de fortune, sçait et predit à ses compagnons iusques où le fleuue doit monter et desborder l’esté ensuiuant : mesurant et compassant iustement ce qui doit estre couuert d’eau, à fin que luy sans estre baigné puisse couuer ses œufs. Or cela est plus vne preconnoissance de ceste beste , procedante de diuinalion, que de ratiocination , chose digne d’admiration. :

Nous dirons en passant, quand la lune est rouge, signifie vents: palle, signifie pluyes : claire, beau temps.

Et aussi qu’en la pleine lune ne faut couper le bois pour bastir, mais en la declinaison : et si on le fait , il se rend vermoulu et pourri {.

EF DDD——————— .….….….….…………………——