CHAPITRE L

QVE c'est QVE MEDICAMENT, ET LA DIF- FERENCE ENTRE MEDICAMENT ET ALI- MENT.

Médicament est la chose qui peut altérer Nature en vne qualité ou plusieurs, et n'est point conuertie en sa substance : au contraire d'aliment, lequel n'altère point ou peu Nature, et se couuertit en la substance de nostre corps. Toutesfois médicament et aliment sont pris et vsurpés par comparaison du corps qui est medicamenté ou alimenté , en sorte qu'vn médicament peut estre aliment à vn.

DES MEDICaMENS.

et médicament à l'autre : comme par exemple l'ellébore est aliment à la caille, et médicament aux hommes :

aussi la ciguë est aliment à Testourneau, et poison à l'oye : pareillement l'herbe appellée ferulc, est aliment à l'asne, et est venin ù toutes autres testes cheualinos. Et ne se faut esbahir si ces choses sont alimens à telles bestes : car il faut estimer qu'elles sont conuenables à leur nature. Ce qui peut aussi aduenir aux hommes par accoustumance et long vsage, desquels est faite naturelle habitude.

Et de cecy les histoires anciennes en font foy, esquclles nous lisons qu'aucuns ont esté nourris de venins», comme la fille qui futeuuoyée à Alexandre-le-Grand, laquelle auoit esté nourrie de napel et autres venins, et par longue pratique en auoit fait nature et habitude, de sorte que son haleine esloit poison mortelle aux hommes. Parquoy ne se faut donner merueille si les medicamens sont aucunesfois conuertis en alimens : ce qu'on voit aussi iournellement auxpoulailles et porcs, lesquels mangent serpens, crapaux, et autres choses venimeuses sans dommage :

mesmes que la cicoigne et plusieurs autres animaux s'en nourrissent, et leurs petits.