CHAPITRE X

LES ACCIDENS QVI ADVIENNENT PAR TROP LIER ET SERRER LES PARTIES DV CORPS.

Par trop serrer la teste aux inflammations des yeux, on les fait souuent sortir hors leur orbite : ce que i'ay veu, comme i'ay escrit cy dessus aux playes de teste, chap. 17.

Aux playes faites au nez , par le trop serrer et presser on rend les malades camus.

Pareillement aux playes des ioiies et léures, on rend la bouche tortue.

Par trop serrer et comprimer les vertèbres du dos , on les iette hors de leur place : qui fait que les filles sont bossues et grandement emaciées par faute d'aliment, ce qu'on voit souuent. Car i'ay souuenance auoir ouuert le corps mort d'vne Dame de nostre Cour, qui pour vouloir monstrer auoir le corps beau et gresle , se faisoit serrer de sorte , que ie trouuay les fausses cosles cheuauchaus les vnes par dessus les autres :

nrs B/

qui faisoit que son pslomach eslant prossi^, ne pouuoit s'oslcMuIro pour contenir la viande, et après auoir mangé et beu , estoit contrainte de le reietter, et le corps n'estant nourri deuint maigre: n'ayant presque que le cuir sus ses os, qui lut cause de sa mort.

Pour trop lier vne partie , on est cause de gangrené et de totale mortification.

Par trop lier et serrer vn enfant en son maillot, on l'estouffe faute de respiration.

D'auantage par trop lier et compresser vue iointure , on cauF^ souuent une luxation , ou distorsion , et deprauation de l'action.

Par trop serrer le ven tre aux femmes grosses , on fait que les enfans sont bossus et contrefaits, et la mère auortant, souuent meurt auec l'enfant.

Par trop serrer l'estomach et les parties dédiées à la respiration , on est cause d'vne suffocation et mort subite : ce que de récente mémoire on a veu aduenir l'an 1581, en l'Eglise Saint-NicoIas-des-Champs, où vne ieune espousée de lean de la Forest, maistre Barbier Chirurgien à Paris, fille de défunt lacquesOchede,

NDACKS. «293

marchant passementier , et de Claude Boufault, laquelle, pour estro trop serrée et pressée en ses habits nuptiaux , sortant de l'autel , après auoir pris du pain et du vin à la façon accoustumée, pensant retourner en sa place, tomba roide morte faute de respiration , et le iour mesme fut enterrée en ladite Eglise. Et quelques iours après, ledit delà Forestespousa à Saint-Germain en Laye ladite Boufault , mere de ladite fille défunte :

parce que son curé auoit refusé faire ledit mariage, disant qu'aucun ne pouuoit espouser la fille et la mere.

Par trop comprimer la production du Péritoine par vn brayer, on garde la descente des testicules au Scrotum,

Pour porter des souliers trop courts et trop estroits, on fait qae les ongles entrent à la chair , et les orteils cheuauchent l'un par dessus l'autre , et s'y font des cors qui causent de grandes douleurs.

Par trop et longuement lier et serrer les parties, on les atrophie, et enfin on leur osle la vie.

Que diray-ie plus? c'est que par trop serrer la gorge à quelque personne que ce soit, on l'estrangle, et luy fait-on perdre la vie.

LE TREIZIEME LIVRE

TRAITANT

DES FRACTYRES DES OS'