ORIGINE ET DISTRIBUTION DE LA VEINE CAVE DESCENDANTE
Pour ce que les autres parties naturelles dépendent presque toutes de la veine Caue descendante, àceste cause il faut auant que passer outre) demonstrer l'origine et diuision d'icelle.
lia esté déclaré par cy deuant, que toutes les veines sortent du Foye, toiitesfois de diuers endroits. Car comme nous auons monstre, la veine Porte sort de la partie caue d'iceluy : au contraire la veine Caue de la partie gibbeuse, en forme d'vn tronc d'arbre , lequel sortant dudit Foye, se diuise en deux grandes branches , des-
quelles la plus petite monte aux parties vitales, animales, et extrémités d'icelles , comme nous dirons en son lieu : la plus grande descendant par la partie postérieure duFoye sur l'eschine des Lumbes, va aux parties contenues sous iceluy, en la forme et manière qui s'ensuit.
Sa première diuision est tant d'vn costé que d'autre , à la membrane des Reins , venant du Péritoine et parties voisines : et sontdites veines adipeuses, pour la multitude de gresse qu'elles engendrent en ces endroits. Leur origine est diuerse : car la dextre vient le plus souuent de la Rénale dextre, à cause qu'elle est plus haute : la senestre vient du tronc mesme de la veine Caue, à cause que la Rénale de son costé est par trop basse : rarement on voit autrement.
La seconde , qui est nommée Rénale ou Emulgente, va aux Reins , ausquels sur l'entrée , ou vn petit deuant , elle se diuise en deux rameaux comme l'artère : vn supérieur et l'autre inférieur, et iceux encores consequemment en plusieurs autres par dedans la substance desdits reins , comme tu peux mieux voir à l'œil , qu'entendre par le liure. Elles sont grosses et larges, à fin que l'humeur aqueux y puisse passer plus librement et sans y faire long seiour.
Leur origine est diuerse : car la veine dextre sort le plus souuent de ladite veine Caue , quelque peu plus haut que la senestre, à fin qu'ayant la charge de repurger le sang de l'humeur séreux et bilieux , si quelque portion eschappe des laqs de l'vn , elle puisse tomber aux laqs de l'autre : ce qui n'eust esté fait , si elles eussent esté situées vis à vis l'vne de l'autre, à raison de leur opposition et contrariété en leur action. Et note-
LE PREMIER LIVRE
ras en cest endroit, que plusieurs fois en faisant dissections et ouuertures de corps morts , nous auons trouué à \n calculeux iiisques à sept veines emulg-entes , et autant d'artères , quatre venans du costé scnestre, toutes de diuers lieux , dont la dernière sortait de Tlliaque : et trois de l'autre costé, venans aussi de diuers endroits de ladite veine.
La tierce diuision nommée Spermatique, va aux testicules, de laquelle l'origine est telle, que la dexlre vient du tronc de la veine Caue partie antérieure, et la senestre de la veine Emulgente le plus sonnent. Quelquefois a^^ssi ou trouue tant d'vn costé que d'autre estre accompagnées, la dextre d'vne autre venant de TEmulgente dextre, et la senestre d'vne autre venant de la veine Caue : en aucuns seulement d'vn costé , aux autres de deux : quelquesfois aussi i'ay veu l'Emu Igente senestre sortir de la Spermatique. On peut aussi obseruer plusieurs autres variétés, lesquelles si on vouîoit toutes expliquer, iamais on n'aurait la fin.
La quatrième va aux Lumbes , et pource est appellée Lumbale : laquelle en origine et distribution est toute semblable à l'artère Lumbale. Il faut noter qu'il y a de chacun costé ([uatre lumbales , à sçauoir aux quatre interstices des cinq vertèbres des lumbes.
La cinquième fait les Iliaques iusqu'à l'issue du Péritoine, où elles prennent le nom de Crurales : et se (,'itiisent premièrement aux musculeuses, ainsi nommées, pource qu'elles vont aux muscles Obliques Ascen- (lans et Transuersaux et au Péritoine. Leur origine est quelquesfois à l'extrémité du tronc. Secondement fonl les Sacrées, lesquelles s'en vont
à la mouëlle de l'os sacrum , par la voye des nerfs issans d'icelle. Tiercement elles produisent les Hypogastriques , ainsi nommées , pource qu'elles sont distribuées à toutes les parties de l'Hypogastre, comme à l'intestin droit , muscles d'iceluy et cuirmusculeux (où quelquesfois elles excitent les Hemorrhoïdes , comme auons prédit) dédiées plustost à vuider le sang qui pèche en quantité , comme celles qui de la veine Porte viennent du rameau splenique , à purger celuy qui pèche en qualité et à la vessie , et col d'icelle , voire iusqu'à l'extrémité de la verge : et à l'Amarry de la femme et col d'iceluy , iusqu'aux extrémités des parties honteuses. D'où se peut faire qu'après la conception de la femme , s'il lui suruient fluxion menstruale, elle soit faite par les rameaux de ladite veine descendans au col de l'Amarry : ce que mesmeest vray-semblable à d'aucunes filles vierges. Outie plus ceste veine iette vue portion de soy hors de l'Epigastre par le trou commun à l'os Pubis et Ischion , laquelle renforcie d'vne autre de la Crurale interne, descend (se communiquant aux muscles Obturateurs et autres internes) iusqu'au iarret ou enuiron. Quartement produisent les Epigastriques , lesquelles tant d'vn costé que d'autre, montent tout le long de la partie inférieure des muscles droits, respandaos aucuns rameaux aux muscles obliques et transuersaux, et Peritoine.Quintement et finablement,font les honteuses , ainsi nommées , pour ce qu'elles vont aux parties honteusesdes femmes, et à l'homme au Scrotum pour faire la tunique charneuse, laquelle est pleine de veines , et au cuir de la verge. Leur origine est par dessous les Ilypogastriques.
T)E L ANATOMIE
