ET SOMMEIL
L'assoupissement est contraire aux grandes veilles, et tous deux sont contre nature : voire mesme que l'assoupissement quelquesfois suruient aux febricitans en suite des grandes veilles , après leur auoir ordonné trop inconsidérément les narcotiques et somnifères : mais nous ne parlons point de cest assoupissement là , ne croyant pas qu'il y ail aucun sage et prudent médecin qui face ceste faute :
il n'y a que les empiriques et igno-
DES Fi:^VRES.
fans qui, pour n auoir aucune connoissance, ny delà maladie, ny du tempérament et des forces du malade, peuuent ielter les febricitans en ce danger. Nous parlerons donc de l'assoupissement qui suruient aux fiéures, qui se reconnoist en ce que les malades se resueillent à peine, et eslans resueillés retombent au sommeil tout incontinent.
Tel sommeil contre nature est excité de quelques mauuaises et malignes vapeurs qui se congèlent aucunement dans le cerueau, et s'y espaississent en partie : cependant que celles qui sont les plus ténues, desliées et légères se dissipent tout à fait. Il y a des fleures qu'on appelle soporeus^s , à cause qu'elles apportent tousiours auec elles de grands assoupissemens :
et cela vient de ce que y ayant quantité de pituite à Tentou r des enl railles, l'ardeur de la Oéure venant à la fondre et liquéfier, enuoye grande abondance de vapeurs crasses et espaisses au cerueau , lesquelles par après se resoudentetconuertissent en humeurs qui apportent l'assoupissement.
Quand on voit ces grands assoupissemens, il faut resueiller le febricitant, tantost auec les choses qui puissent eschauffer les esprits animaux engourdiset gelés, tantost auec celles qui resueillent la paresse de la vertu expullrice, tantost auec celles qui atténuent , incisent et euacuent la pituite qui abreuue le cerueau.
C'est pourquoy ou agitera le malade çà et là , on luy fera des frictions fortes et dures , que l'on continuera longtemps , on parlera souuent à luy , on luy fera des ligatures douloureuses aux bras et au dessus des genoiiils, on le pincera, on luy tirera les cheueux , on le ventousera auec scarifications profondes , on luy met-
tra des vesicatoires en diuers endroits, entreles espaules, derrière lesoreilles, et au sommet de la teste. On luy donnera des clysteres acres et piquans.
On luy mettra du castoreum dissout auec fort vinaigre dans les narines , sans oublier les sternutatoires et masticatoires. L'on loue fort en ceste extrémité la confection dite anacardina, dissoute auec vinaigre scillitique. Si tout cela ne profite , à peine trouuera-on d'autres remèdes.
