SIGNES QVE LA PLVXION VIENT DV CERVEAV

Les malades , lors que la fluxion se veut faire, se sentent appesantis, endormis, et hébétés, auec grand sentiment de douleur aux parties externes de la teste, et principalement quand on leur renuerse leurs cheueux : et souuentesfois on leur trouue vne tumeur œdémateuse au cuir qui couure le crâne : et leur semble qu'ils ayent changé leur nature à vne autre presque toute eslrange, de sorte qu'il leur est aduis qu'ils ne sont plus eux mesmes , pource que la virulence de la matière a renuerse et changé les fondions et toute l'œconomie du corps. Aussi ils sentent grandes crudités en l'eslomach , et roulemens aigres. Et mesme l'humeur qui cause la migraine a similitude, pour sa malice et virulence, à celuy qui cause les goûtes : laquelle pource qu'alors elle communique sa douleur à toute la moitié de la teste, a esté appellée des anciens Hemicrania. A aucuns la fluxion descend du cerneau entre cuir et chair aux iointures, voire iusques à celles des doigts des pieds : et telle defluxion procède lentement, au contraire de l'iiumeur qui est chaud, duquel la fluxion se fait promptement et auec sentiment de douleur.

DES GOVTES.