CHAPITRE VII

POVr. SE DONNER GAfiDE D'eSTRE EMPOISONNÉ.

La manière de se donner garde d'estre empoisonné est fort difficile :

car les meschans empoisonneurs et parfumeurs, qui secrètement baillent les poisons, conduisent leur trahison et leurmeschancetési finement, qu'ils trompent les gens les plus experts et de meilleur iugement qu'on sçauroit trouuer. Car ils ostent l'amertume des venins, et les meslent auec choses douces : ainsi ils leur font perdre leur mauuaise odeur par la mixtion des choses odorantes et parfums. Aussi la poison donnée auec saulses appétissantes est fort dangereuse, d'autant qu'elle est auallée auidement, et plus difficilement vomie.

Et parlanlceux qui craignent d'estre empoisonnés, coinmesouuent adulent aux prélats et beneficiers pour auoir leur despouille, se doiuent garder de toutes viandes appareillées ( par gens suspects) auec saulses qui sont fort douces ou fort salées, ou aigres, et

généralement toutes celles qui sont de haut goust. Pareillement estans bien altérés, ne doiuent boire à grands traits, ne manger goulûment :

mais bien considérer le goust de ce qu'ils mangent et boiuent. D'auantage ils doiuent manger des choses qui rompent toute la force du venin deuant toutes viandes, et principalement vn bouillon gras fait de bonnes viandes. Semblablement doiuent prendre au matin vn peu de methridat ou theriaque , auec vn peu de conserue de roses, puis boire vn peu de bon vin ou maluoisie, ou des fueilles derue, auecques vne noix et figues seiches , qui est vn singulier remède.

Et où quelqu'vn auroit soupçon d'auoir pris quelque poison par la bouche, ne faut dormir en tel cas :

car la force du venin est quelquesfois si grande et si forte ennemie de Nature , qu'elle exécute son pouuoir, que souuent elle monstre tel effet en nos corps que fait le feu allumé en la paille seiche. Car souuent adulent que ceux qui sont empoisonnés , deuant que pouuoir auoir secours des Médecins et Chirurgiens, meurent.

Dont subit il se doit faire vomir en prenant de rhuile et eau chaude : en lieu de l'huile on fera fondre du beurre, et le prendre auec eau chaude , ou décoction de graine de lin , ou fenugrec, ou quelque boiiillon gras : car telles choses font ietter le venin hors par le vomissement : ioint qu'ils laschent le ventre, et par telles euacuations le venin est vuidé hors, et son acrimonie amortie. Ce qu'on voit par expérience, que lors que nous voulons appliquer des cautères potentiels ou vesicatoires , si la partie est ointe de choses huileuses , tels remèdes acres ne pourront vlcerer la partie. D'auantage,le vomissement pro-

LE VINGT-TROISIlilMR LIVRE

fite, non seulcMncnt parce qu'il euaciie le venin : mais aussi que sonnent il manifeste, on par l'odeur, ou par la couleur, ce qui aura esté prins: et ainsi p.u' tel moyen on pourra auoir recours aux remèdes conlrarians au venin.

Après auoîr vomi , si on a coniecture que la poison soit descendue aux boyaux , on pourra vser de clysleres acres , pour euacuei* ce qui pourroit estre demeuré et attaché contre les intestins, Kt où le malade ne pourroit vomir, il luy faut faire prendre des purgations propres, qui résistent aux venins , comme est l'agaric , l'aloés, lapeiite centaure, larheubarbe, et autres clioses ordonnées par le docte Médecin. L'on doit vser puis après de clysteres composés de casse, de bouillon gras , auec suif de mouton ou beurre , ou laict de vache, et mucilages de lin, et psillij, ou de coings , à fin que la poison n'adhère contre les boyaux , comme on a accoustumé donner aux dysenteries.

Par leur onctuosité et visquosité,ils amortissent l'acrimonie du venin qui se peut adhérer contre les boyaux, et défendent les parties saines qu'elles ne sentent la force du venin.

Ils sont bons pareillement quand le venin a viceré les parties intérieures.

Pour ceste cause le laict beu en grande quantité, après le vomissement, et baillé par clysteres, est vn remède tres-siiigulier , parce qu'il rompt la force du venin , et sonnent le guarit. Il faut icy noter, qu'on doit tousiours commencer à tirer le venin par la voye où il aura entré. Comme s'il a esté baillé par odeur, faut faire esternuer : si par le boire ou manger, par vomissement : si par le siège, par clysteres : si par le col de la matrice , par syringuer : si par morsures, ou

piqueures ou esgratigneures , par remèdes qui l'ai tirent au dehors, comme nous dirons cy après

CTUFITRE VIlî.