DE CERTAINS SERPENTS ESTRANGES
lean Léon Africain escrit en son liure d'Afrique, qu'à Calicut on trouue des serpens destrange façon, estans de la hauteur d'vn gros pourceau, ayans la teste plus grosse et plus hideuse, et quatre pieds, estans fort dommageables aux habitans. II y en a qui sont si venimeux , que par leur morsure la personne tombe subitement morte. Et si quelqu'vn auoit tué vne de ces bestes , le roy le feroit mourir comme s'il auoit tué vn homme. Le roy et les habitans du pais ont vne folle opinion de ces bestes, estimans qu'ils sont les esprits de Dieu , disant que si ainsi n'estoit , ils n'auroient la puissance de mettre un homme à mort par leur simple morsure : de sorte que ces animaux ont ce crédit de se pourmcner parmy la ville , connoissant bien ceux qui ne les craignent pas, ausquels ne font aucun mal. Combien (dit-il) que de son temps il soit aduenu, que par vne nuicl l'vn de ces animaux entra dedans vne maison où il mordit neuf personnes, que l'on trouua au matin roides mortes, et fort enflées. Kt nonobstant cela, ils ne laissent les auoir en grande admiration, tellement
que si en allant en quelque voyage ils rencontrent vne de ces bestes, ils le repuient de bon-heur, esperans de cela que leurs affaires et entreprises ne peuuent venir qu'à bon port.
Il dit plus, qu'au royaume de Senegua y a des serpens longs de deux pas et plus , et n'ont ailes ny pieds : mais ils sont si gros qu'ils engloutissent vne chéure entière sans la desmembrer : croyez-le si vous voulez*.
CHAPITRK XXVIII.