CHAPITRE XXXIIl

DE l'APOSTEME PESTIFEREE, APPELLES BVBON OV BOSSE.

Or posons le cas que Nature ne s'esl peu descharger par aucuns moyens et remèdes susdits, mais plustost par aposteme faite aux emonctoires, laquelle d'aucuns est appellée bubon pesliferé, d'autres la bosse, d'autres la peste ou fusée, et de Galien beste sauuage et farouches et aux autres parties du corps , charbon , anthrax et carbonde. Donc nous dirons que la bosse est vue tumeur qui est en son commencement de forme longuette et mobile , et en son estât ronde ou pointue, et immobile, fixe et attachée fort profondement aux emoncloires, comme du cerueau à la gorge, du cœur aux aisselles, du foye aux aines : et est faite de matière plus crasse et visqueuse que le charbon, lequel est fait d'vne matière plus acre, boiiillante et furieuse, faisant escarre où il s'arreste.

Au commencement que la fluxion de la bosse se fait, les malades disent sentir à l'emoncloire comme vne corde tendue, ou vn nerf dur, auec douleur poignante : puis la matière s'assemble comme vne glande, et peu à peu et en brief temps s'engrossit ^ et s'enflamme, et est accompagnée d'autres accidens dessus mentionnés.

Si la tumeur est rouge et se grossit peu à peu, c'est bon signe. Celle qui eslliuide et noire, et tardiue à venir, est dangereuse. Aussi il y en a qui viennent promptement et d'vne grande

* Galien , au lia. de Theriaca ad Pisonem, — A. P.

DE LA PESTE, ^^-y

furie , et ne tiennent la forme commune , c'est à dire que subitement deuiennent enflammées, auec grande tumeur et douleur intolérable , et telles sont communément mortelles.

On en a veu aussi qui tenoient de la couleur du cuir naturel, et sembloient estre vne tumeur œdémateuse, qui toutesfois faisoient mourir le malade aussi tost que celles qui estoient de couleur noire ou plombée : parquoy il ne s'y faut fier.